Aprel döyüşlərinin əfsanəsi şəhid Pəncəli Teymurovun büstü açılıb
Aprel döyüşlərinin əfsanəvi qəhrəmanlarından biri olan şəhid Pəncəli Teymurovun adı hər kəsə yaxşı tanışdır. Onu xüsusi təyinatlıların əfsanəsi də adlandırırlar. Elə bir qəhrəman idi ki, toy günündə hamı ona xoşbəxtlik diləyərkən, o, özünə Qarabağı azad etməyi və bu yolda şəhid olub üçrəngli bayrağımıza bükülərək dəfn edilməyi arzulayırdı. Pəncəli üç il sonra, ömrünün 35-ci baharında bu arzusuna çatır, Aprel döyüşlərində Qarabağ torpaqları uğrunda gedən döyüşlərdə düşmənə qan udduraraq şəhidlik zirvəsinə yüksəlir.
AZƏRTAC xəbər verir ki, Astarada Xüsusi Təyinatlı Qüvvələrin giziri Pəncəli Teymurovun xatirəsinə ucaldılmış büstün açılış mərasimi olub.
1981-ci il martın 24-də Astaranın Əzərud kəndində dünyaya göz açan Pəncəli Nurməmməd oğlu Teymurov hələ uşaq yaşlarında, Qanlı Yanvar və Xocalı soyqırımını televiziya vasitəsilə izləyərkən, hərbiçi olub mənfur düşməndən qisas alacağına söz verir. 1999-cu ildə orta məktəbi bitirdikdən sonra hərbi xidmətə çağırılan Pəncəli bu sözünü tutmaq üçün elə həmin ildən həyatını hərb sənətinə bağlayır. Ağdamda xidmət edən Pəncəli qısa zamanda hərbi hissənin ən mahir kəşfiyyatçılarından biri olur. Əsgərliyini bitirdikdən sonra könüllü olaraq yeni yaradılan Xüsusi Təyinatlı Qüvvələrin kəşfiyyatçı-diversant taborunda xidmətə başlayır. Bir çox ölkələrdə hərbi təlimlərdə iştirak edir. Qardaş Türkiyədə xüsusi kəşfiyyat məktəbində təhsil alır. 17 il orduda Vətənə şərəflə xidmət edən Pəncəli Teymurov öz toyunda özünə arzuladığı arzu ilə hər kəsi təəccübləndirir.
Aprel döyüşlərinin qazisi Əliəhəd Mehdiyev deyir: “Pəncəli Teymurovu tanıyan, onunla xidmət edən bir yoldaş kimi deyə bilərəm ki, bizim üçün o, xüsusi təyinatların əfsanəsi idi. Pəncəli Vətənə, torpağa bağlı idi. Qardaşımızın öz toyunda özünə şəhidlik arzulaması onu göstərir ki, o, böyük vətənpərvər, igid, mərd, qorxmaz biri idi”.
Pəncəli Teymurov 2016-cı ilin aprel ayında Azərbaycan-Ermənistan təmas xəttində baş verən təxribat zamanı Tərtər istiqamətində döyüşə atılır, silahdaşları Murad Mirzəyev, Samid İmanov və Mühüd Orucovla birlikdə Talış yüksəkliyi uğrunda igidliklə vuruşur. Həmin istiqamətdə düşmənin xeyli canlı qüvvəsini və texnikasını məhv edən Pəncəli aprelin 3-də öz arzusuna çataraq, bu döyüşlərdə qəhrəmancasına şəhid olur. Aprelin 11-də şəhidin nəşi doğulduğu kənddə dəfn edilir.
Aprel döyüşlərindəki misilsiz şücaətinə görə Prezident İlham Əliyevin Sərəncamı ilə şəhid gizir Pəncəli Nurməmməd oğlu Teymurov ölümündən sonra “Vətən uğrunda” medalı ilə təltif olunur.
Əzərud kəndində dəfn edilən şəhid Pəncəli Teymurovun məzarı şəhadətinin beşinci ildönümündə ziyarət olunaraq, ruhuna dualar oxundu. Onunla birlikdə Aprel döyüşlərində qəhrəmanlıqla vuruşan qazilər cəsur gizirlə bağlı xatirələrini bölüşdülər.
Aprel döyüşlərinin qazisi Əliəhəd Mehdiyev bildirib ki, Pəncəli Teymurov, Raquf Orucov, Samid İmanov, Murad Mirzəyev, Mühüd Orucov, Ravil Novruzov kimi igidlər tarixdə qalacaqlar. Çünki bu insanlar xalq qəhrəmanlarıdırlar. Baxmayaraq ki, Aprel döyüşlərindən 5 il ötür, yenə də xalqın onlara böyük sevgisini görürük. Belə qəhrəman qardaşlarımızın məzarları hər zaman ziyarət olunur. Nə qədər bu xalq var, bizim qəhrəmanlarımız da yaşayacaq".
Şəhid Pəncəli Teymurovun atası Nurməmməd Teymurov isə qeyd edib ki, Pəncəli kimi oğulların igidliyi sayəsində Şuşa, Kəlbəcər, Laçın, Ağdam, Füzuli və digər rayonlarımız işğaldan azad olundu. “Əsgərlərimizə, ordumuza və Ali Baş Komandana minnətdarlığımızı bildirirəm. Yaşasın Azərbaycan! Qarabağ bizimdir!”, - deyən şəhid atası oğlu ilə qürur duyduğunu vurğulayıb.
Daha sonra mərasim iştirakçıları şəhidin xatirəsinə əbədiləşdirilmiş ev-muzeyinin qarşısında büstünün açılışına qatılıblar. Açılış mərasimində Pəncəlinin ailə üzvləri, silahdaşları, Astara, Biləsuvar, Masallı, Cəlilabad və Lerikdən gələn təhsil işçiləri və kənd sakinləri iştirak ediblər. Mərasimdə çıxış edənlər Vətənə canı və qanı ilə bağlı olan Pəncəli Teymurov haqqında xatirələrini dilə gətirib, onun qəhrəmanlığından söz açıblar. Məktəblilərin ifasında vətənpərvərlik mövzusunda şeirlər səsləndirilib.
Şəhid Pəncəli Teymurovun anası Vahimə Teymurova deyib: “Aprel şəhidləri 44 günlük Vətən müharibəsində qələbənin təməlini qoydular. Mən fəxr edirəm ki, Pəncəli kimi oğlum olub. Pəncəli kimi bir yox, bir neçə oğullarım olub. Onların hər biri ilə fəxr edirəm. Qürur duyuram. Sevinirəm ki, torpağımız düşməndən azad edildi. Bizim şəhidlərin qanı yerdə qalmadı”.
2016-cı ilin aprel ayında 4 günlük müharibədə əldə olunan zəfər Rəşadətli Ordumuzun qüdrətini və xalqımızın sarsılmaz iradəsini göstərdi. Ordumuz 4 günlük döyüşdə məhz qanları və canları ilə adlarını tarixə yazan Pəncəli kimi qəhrəmanlarımız sayəsində xalqımıza qələbə sevinci yaşatdı və sonrakı tarixi zəfərimizin əsas müjdəçisi oldu.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Hikmət Hacıyev: COP29 Azərbaycanın qətiyyətini, diplomatik və siyasi cəsarətini nümayiş etdirir...
28 Mart
Netanyahu HƏMAS-ın “strateji aktivlərinə” həbs qoyulduğunu açıqlayıb
28 Mart
Rusiya XİN başçısı: Məhz KTMT İrəvanın maraqlarını çətin vəziyyətlərdə müdafiə edib...
28 Mart
ABŞ Konqresi Pentaqonun Afrikadakı dövlət çevrilişlərinə görə hesabat tələb edib
28 Mart
Azərbaycan boksçuları Bakıdakı beynəlxalq turnirdə 21 medal qazanıb
28 Mart
Lavrov: Ermənistan uydurma bəhanələrlə Rusiya ilə münasibətlərin pozulmasına çalışır
28 Mart
FTX terror aktının təşkilində şübhəli bilinən ukraynalını saxlayıb
28 Mart
BMT “İl-76” təyyarəsinin qəzaya uğraması ilə bağlı hesabat dərc edib
28 Mart
ABŞ Konqresinin nümayəndə heyəti Ankarada “F-16” tədarükü mövzusunu müzakirə edəcək
28 Mart
Gürcüstanın Baş naziri ölkə müsəlmanları üçün iftar süfrəsi təşkil edib
28 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!