01 Mart 2021 14:34
736
SİYASƏT
A- A+

Ankara şəhərində Azərbaycan-Türkiyə birinci birgə Mədəniyyət Komissiyanın iclası keçirilib

 

Azərbaycan Respublikasının mədəniyyət naziri Anar Kərimovun rəhbərlik etdiyi nümayəndə heyəti Türkiyədə rəsmi səfərdədir.

AZƏRTAC xəbər verir ki, əvvəlcə Azərbaycan mədəniyyət naziri Anar Kərimov ilə Türkiyə Mədəniyyət və turizm naziri Mehmet Nuri Ersoy arasında ikitərəfli görüş olub.

Sonra Azərbaycan-Türkiyə birinci birgə Mədəniyyət Komissiyanın iclası keçirilib.

Azərbaycan-Türkiyə birinci birgə Mədəniyyət Komissiyanın iclasının razılaşdırılmış hesabatını Azərbaycan Mədəniyyət Nazirliyi tərəfindən Vasif Eyvazzadə, Türkiyə Mədəniyyət və Turizm Nazirliyi tərəfindən isə Erkin Yılmaz imzalayıblar.

Digər bir əməkdaşlıq sənədinə isə Azərbaycan Respublikası Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin rəisi Azad Cəfərli ilə Türkiyə Mədəniyyət və Turizm Nazirliyinin Türk Əməkdaşlıq və Koordinasiya Agentliyin rəhbəri Serkan Kayalar tərəfindən imzalanıb.

Nazirlər Anar Kərimov və Mehmet Nuri Ersoy mətbuat nümayəndələri qarşısında çıxış edib.

Qırx dörd günlük vətən müharibəsinin rəşadətli zəfəri münasibətilə səmimi təbriklərini çatdıran nazir Mehmet Nuri Ersoy diqqətə çatdırıb ki, Azərbaycan-Türkiyə birinci birgə Mədəniyyət Komissiyasının ilk iclası səmərəli keçib. Əməkdaşlıq əlaqələrini genişləndirmək üçün faydakı müzakirələr apardıq.

Mədəniyyət sahəsində əməkdaşlığı daha da inkişaf etdirmək üçün böyük imkanlar olduğunu diqqətə çatdıran nazir Anar Kərimov bildirib ki, iki qardaş ölkə arasında ikitərəfli formada, həm də beynəlxalq təşkilatlar çərçivəsində mədəniyyət sahəsində geniş əməkdaşlıq imkanları mövcuddur. Ortaq dəyərlərimizə əsaslanan bu əməkdaşlıq dövrün tələbi olmaqla bərabər tərəflərin maraqlarını tam şəkildə qane edir. Nazir vurğulayıb ki, mədəniyyət mirasımızın qorunması, inkişaf etdirilməsi, kino sahəsində əməkdaşlığımız, kitabxana və incəsənət sahəsində təcrübə mübadiləsinin aparılması bizim üçün çox önəmlidir.

Nazirlər əminliklə diqqətə çatdırıblar ki, bütün sahələrdə olduğu kimi bundan sonra da mədəniyyətlə bağlı əməkdaşlıqda ortaq fəaliyyət faydalı və səmərəli nəticələr verəcək.

Nazir Anar Kərimovun rəhbərlik etdiyi nümayəndə heyətinin Türkiyəyə səfəri davam edir.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video