22:50 20 Aprel 2021
ONLINE XƏBƏR LENTİ
17:04 20.04.2021 Məşhur A68 aysberqi əridi
Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

“Ana harayı” abidəsinin yerləşdiyi Xocalı parkında hazırlıq və abadlıq işləri yekunlaşıb
 
ANA SƏHİFƏ / CƏMİYYƏT
18:02 25.02.2021

 

Xocalı soyqırımının 29-cu ildönümü ilə əlaqədar paytaxtın Xətai rayonundakı "Ana harayı" abidəsinin yerləşdiyi parkda hazırlıq və abadlıq işləri yekunlaşıb.

AZƏRTAC xəbər verir ki, Xətai Rayon İcra Hakimiyyətinin hazırladığı tədbirlər planına əsasən, parkın ərazisinin yaşıl örtüyü yenilənib. Parkda və ətrafında yararsız hala düşmüş hissələrdə aqlay daşla üzlənmə, işıqlanmanın bərpası, günlüklərin təmiri işləri aparılıb. Ümumilikdə Xocalı prospekti, Yusif Səfərov, Afiyəddin Cəlilov küçələrində gül kollarının əkilməsi üçün 60 min gül sifariş olunub. Türkiyədən üç min dekorativ gül kolları gətirilərək əkilib. Onların düzülüşü yeni dizaynda aparılıb. Yolboyu divarlara və binaların fasadlarına qanlı faciəni əks etdirən bannerlər, plakatlar, şəhid şəkilləri yerləşdirilib. Xocalı prospekti boyu yerləşən binaların fasadları təmizlənib, səkilər yuyulub.

Xatırladaq ki, Azərbaycan xalıqının qan yaddaşı olan Xocalı soyqırımına həsr olunan "Ana harayı" abidə kompleksi 1993-cü ildə inşa edilib. Sonralar isə həm abidə kompleksində, həm də park-xiyabanda əsaslı yenidənqurma işləri aparılıb. Bu işlər çərçivəsində abidənin postamenti hündürləşdirilib. Faciə zamanı qətlə yetirilmiş 613 şəhidin adları qranit lövhələr üzərinə həkk olunub. Park-xiyaban və abidə kompleksi xüsusi işıqlandırma sistemi ilə təchiz edilib, günlüklər quraşdırılıb.

Qeyd edək ki, hər il fevralın 26-da minlərlə insan Xocalı soyqırımının ildönümü ilə əlaqədar abidəni ziyarət edir.

1992-ci il fevralın 25-dən 26-na keçən gecə erməni təcavüzkarları Azərbaycanın Xocalı şəhərində bəşəriyyət tarixində ən qanlı faciələrlə bir sırada dayanan soyqırımı törədiblər. Bu soyqırımdan 29 il ötür. Həmin kütləvi qırğın nəticəsində 106-sı qadın, 63-ü uşaq, 70-i qoca olmaqla, ümumilikdə, 613 nəfər amansızlıqla qətlə yetirilib. 487 nəfər şikəst olub, 1275 dinc sakin girov götürülüb. Onlardan 150 nəfərin taleyi hələ də məlum deyil. Bu soyqırımı aktı nəticəsində 8 ailə tamamilə məhv edilib. 25 uşaq hər iki valideynini itirib.

Hər il dünya azərbaycanlıları və ədaləti uca tutanlar Xocalı soyqırımı qurbanlarının xatirəsini ehtiramla anırlar.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM