29 Aprel 2021 17:49
611
SİYASƏT
A- A+

Ali Radanın deputatı: Azərbaycan və Ukrayna əmtəə dövriyyəsini azı 1,5 milyard dollara çatdırmağa səy göstərməlidirlər  

Azərbaycan və Ukrayna son illər ərzində iqtisadi qarşılıqlı fəaliyyəti əhəmiyyətli dərəcədə yaxşılaşdırıb. Biz sürəti azaltmamalıyıq, çünki potensial böyükdür. Əmtəə dövriyyəsini azı 1,5 milyard dollara çatdırmağa səy göstərilməsi vacibdir.

Bu barədə AZƏRTAC-a müsahibəsində Ukrayna Ali Radasının deputatı, Ali Radanın Maliyyə, vergi və gömrük siyasəti məsələləri komitəsinin üzvü İrina Allahverdiyeva deyib.

Deputat vurğulayıb ki, bu məsələyə, ilk növbədə, 2018-ci ildə yaradılan və kifayət qədər uğurlu iş nümayiş etdirən Azərbaycan Ticarət Evi kömək edə bilər. Ali Radanın üzvü bildirib: “Həm biznes, həm də dövlət səviyyəsində əlaqələr, etimadlı münasibətlər və birgə layihələr - əmtəə dövriyyəsini artırmaq üçün ən yaxşı vasitədir. Biz, həmçinin qarşılıqlı faydalı ticarətə bütün maneələri aradan qaldırmağa səy göstərməliyik”.

İrina Allahverdiyeva əlavə edərək deyib: “Parlamentlərimiz arasında sıx əlaqələr mövcuddur. İki ölkənin parlament nümayəndə heyətləri müntəzəm şəkildə görüşür. Biz bunu davam etdirəcəyik. Parlamentarilər biznesə də kömək edirlər, bu da parlament diplomatiyasının çox mühüm istiqamətidir. Biz hər hansı birgə ünsiyyətə həmişə şadıq”.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video