06 Yanvar 2017 12:01
854
Oxucu məktubları
A- A+

Ailə tərbiyəsi milli-mənəvi dəyərlər üzərində qurulmalıdır

 

Azərbaycanda ailə ənənələri -  valideynlərin övladlara, uşaqların da ata-anaya münasibəti dünyəvi fəzilətlər əsasında formalaşıb. Bu səbəbdən bizim ailə modeli mənəvi dəyərlər toplusu olmaqla yanaşı, kamil sosial-məişət münasibətləri nümunəsidir.

Təəssüf ki, son dövrlər bu fundamental milli-mənəvi ailə institutu modeli kənar və yad təsirlərə məruz qalmaqdadır. Bundan qorunmaq və “müasir” həyatın vurduğu zərəri minimuma endirmək üçün Azərbaycan ailə ənənələri təbliğ edilməli, yaşadılmalıdır. Gənclər ailə münasibətlərinə daha ciddi, özü də böyük məsuliyyətlə yanaşmalıdırlar. Hər bir gənc təkcə ailə qurduğu şəxsin deyil, bütünlükdə millət, cəmiyyət, dövlət qarşısında məsuliyyət daşıdığını bilməlidir. Ölkəmizdə gənclərə örnək olacaq, nümunə götürüləcək qocaman ailələr çoxdur. Onlardan biri bizim kənddə - Bradidə yaşayır. Uzunömürlülər diyarı Lerikin dağlar qoynundakı bu kəndində ailələr də uzunömürlüdür. Hər hansı səbəbdən ailələrin dağılmasına, boşanmalara bizim kənddə rast gəlinməz. Qədimdən davam edən ənənələr bu gün də yaşamaqdadır: ailə müqəddəs və  toxunulmazdır. Ailə üzvləri də həmçinin. Şübhəsiz, bu ənənələr mənəvi dəyərlərə söykəndiyi, əsrlərlə cilalanıb formalaşmış yüksək ailə münasibətlərinə əsaslandığı  üçün  yaşamaqdadır.

Bu yaxınlarda kəndimizdə brilyant toy keçirdik. Elliklə 60 il birgə həyat sürmüş İsaq və Güləkinə Məmmədovların ocağına yığışmışdıq. Onlar kəndimizin hörmətli ağsaqqal və ağbirçəklərindəndirlər. İsaq babanın 85 yaşı var. Gümrah və həyatsevərdir. 60 illik ömür-gün yoldaşı Güləkinə xanımla gənclərə öyüd-nəsihət verməkdən, doğru yol göstərməkdən usanmırlar. Onların həyat təcrübələri və ailə münasibətləri  örnək alınacaq qədər zəngindir.  İsaq kişi ailə xoşbəxtliyini qarşılıqlı sədaqətdə, səmimiyyətdə, zəhmətsevərlikdə və tələbkarlıqda görür. Güləkinə xanım isə bunlarla yanaşı, gənclərə ailə üzvlərinə qarşı səbir, təmkin göstərməyi, çətinliyə düşəndə mətanətli, dözümlü olmağı tövsiyə edir. Dünyagörmüş bu insanlar cavanlarla hər görüşlərində onlara həyatın şirinli-acılı, ağlı-qaralı, enişli-yoxuşlu olduğunu anlatmağa çalışır, gələcək ailə həyatında bunları diqqətdən qaçırmamağı, buna hazır olmağı söyləyirlər. Onların firkincə, ailələrin əsas missiyası layiqli insan, vətəndaş yetişdirməkdir. Bunun üçün də ailə tərbiyəsi milli-mənəvi dəyərlər üzərində qurulmalı, uşaqların sağlam, tərbiyəli, savadlı yetişmələri üçün hər fədakarlıq göstərilməlidir.

 

Zəfər ƏLİYEV,

Lerik rayonu, Bradi kənd sakini

 

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video