15 Aprel 2018 12:04
1402
Oxucu məktubları
A- A+

“Ağ qızıl”ın yaşıl işığı

 

Hörmətli redaksiya!

Mən həyatımı bütünlüklə torpağa bağlamışam. Bu bağlılıq ailəmizə firavan həyat, xoş güzəran gətirib, el-obada xoş münasibət formalaşdırıb. Uzun illərdir ki, pambıqçılıqla məşğuluq. Bir ara bu sahəyə diqqət zəiflədi. Adamlar da elə bil torpaqdan küsdülər. Əkin sahələri ildən-ilə kiçildi.

Pambıqçılığın inkişafı yolunda dövlət başçısının yandırdığı yaşıl işıq həyatımıza da təsir etdi. Yeni həvəslə, yüksək əhvali-ruhiyyə ilə torpaqla ünsiyyət bağladıq. Elə bunun nəticəsidir ki, keçən il 40 hektar sahədə pambıq əkib-becərdik. Aqrotexniki tələbləri yüksək səviyyədə yerinə yetirib tarlalarda bol məhsul yetişdirdik. Dövlət başçısı əməyimi yüksək qiymətləndirərək məni də birinci dərəcəli “Əmək ordeni” ilə təltif etdi. Bu yüksək qiymət bizi yeni uğurlara ruhlandırır. Bu il 50 hektarda pambıq əkmək, hər hektarın məhsuldarlığını daha da artırmaq əzmindəyik. Məhsul bolluğuna hələ qış aylarından etibarlı bünövrə qoymağa çalışmışıq. Pambıq əkəcəyimiz sahələrdə vaxtında keyfiyyətli dondurma şumu edilmiş, qış aratına qoyulmuşdur. Bir neçə gündən sonra çiyid səpininə başlayacağıq. MKT Ağcabədi Pambıq Zavodu ilə müqavilə bağlamışıq. Toxumluq çiyid dərmanlanıb səpinə hazır vəziyyətə gətirilmişdir. Torpaq yavaş-yavaş isinir. Biz də çiyid səpininə hazırlaşırıq.

Dediyim odur ki, dövlət səviyyəsində pambıqçılığa göstərilən dəstək, pambıqçı əməyinə verilən yüksək qiymət, “ağ qızıl”a yandırılan yaşıl işıq bizi daha yaxşı işləməyə, daha çox məhsul istehsal etməyə ruhlandırıb.

 

Tofiq İSMAYILOV,

Ağcabədi rayonu Yeni Qaradolaq kənd sakini, fermer

 

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video