02 Mart 2012 02:03
387
Təhsil
A- A+

ADU-nun professoru ABŞ Milli Alimlər Assosiasiyasının fəxri üzvü seçilmişdir

 

Azərbaycan Dillər Universitetinin  professoru Əfqan Abdullayev ABŞ Milli Alimlər Assosiasiyasının fəxri üzvü seçilmişdir. Bu məlumat ABŞ Milli Alimlər Assosiasiyasının prezidenti, professor Peter Vyatt Vundun imzası ilə göndərilmiş məktubda əksini tapmışdır.

ADU-nun mətbuat xidmətindən AzərTAc-a bildirmişlər ki, bu nüfuzlu elmi cəmiyyətə xarici vətəndaşlar ancaq ABŞ universiteti professorlarının təqdimatı əsasında seçilirlər. Professor Ə.Abdullayevin ABŞ Milli Alimlər Assosiasiyasına fəxri üzv seçilməsi Kaliforniyadakı Berkli Universitetinin Dilçilik İnstitutunun tövsiyəsi əsasında olmuşdur.

Professor Ə.Abdullayev 2009-cu ilin iyul-avqust aylarında Berkli Universitetinin Dilçilik İnstitutunda yay sessiyasında mühazirələr oxumuşdur. O, 100-dən çox elmi məqalənin, 6 kitabın (3 kitabı ingilis dilində xaricdə nəşr olunub) müəllifidir. 2002-ci ildən Azərbaycan Dillər Universitetinin professorudur. ABŞ-da, İranda, Rusiyada, İngiltərədə, Almaniyada, Türkiyədə, Polşada, Rumıniyada,  Macarıstanda, İspaniyada müxtəlif beynəlxalq konfranslarda məruzələr etmişdir.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video