Adil Əliyev: Şəhid və qazi övladları daim diqqət mərkəzindədirlər
Milli Məclisin Gənclər və İdman Komitəsində 1 İyun - Uşaqların Beynəlxalq Müdafiəsi Günü münasibətilə xüsusi karantin rejiminin şərtlərinə uyğun olaraq görüş keçirilib. Görüşdə şəhid ailəsinin övladları, habelə şəhid ailələri və qazilərlə işləyən media nümayəndələri iştirak ediblər.
Parlamentin Milli Məclisin Mətbuat və ictimaiyyətlə əlaqələr şöbəsindən AZƏRTAC-a bildiriblər ki, Milli Məclis sədrinin müavini Adil Əliyev görüşü açaraq uşaqların layiqli vətəndaş kimi formalaşmasının onların valideynləri ilə yanaşı, hər bir vətəndaşın vəzifəsi olduğunu bildirib. İlk dəfə 1950-ci ildən qeyd olunmağa başlayan Uşaqların Beynəlxalq Müdafiəsi Günü sonradan ölkəmizdə də təşkil edilib. Azərbaycanda uşaq hüquqlarının qorunmasının, uşaqların rifahının hər zaman prioritet istiqamətlərdən biri olduğunu bildirən sədr müavini Prezident İlham Əliyevin Sərəncamına əsasən 2009-cu ilin ölkəmizdə “Uşaq ili” elan edildiyini diqqətə çatdırıb, habelə uşaqların qayğılarının həllinin hər zaman dövlətimizin başçısının diqqət mərkəzində olduğunu bildirib.
Ümummilli lider Heydər Əliyevin “Uşaqlar bizim gələcəyimizdir, gələcəyimizi nə cür tərbiyə edəcəyiksə, ölkəmizin, millətimizin, dövlətimizin sabahı bundan asılı olacaqdır” şüarını rəhbər tutaraq uşaqların yetişməsinə hər zaman xüsusi diqqət ayrılmasını, onların təhsil almalarına köməyin göstərilməsini və inkişaflarının dövlət tərəfindən xüsusi dəstəkləndiyini vurğulayan A.Əliyev xüsusi qayğıya ehtiyacı olan uşaqların təhsilə cəlb edilmələrinin hər zaman diqqət mərkəzində saxlanıldığını bildirib.
Milli Məclis sədrinin müavini, eyni zamanda, hər bir uşaq kimi, şəhid və qazi ailələrinin övladlarının da dövlətin xüsusi nəzarətində olduğunu, onların qayğılarının və çətinliklərinin dərhal həlli istiqamətində bütün zəruri addımların atıldığını qeyd edib. Habelə şəhidlərimizin bizə əmanəti olan övladlarının qorunması, yetişdirilməsi və təhsil almalarına köməyin göstərilməsinin hər birimizin vəzifəsi olduğunu diqqətə çatdırıb. Şəhid ailələrinin qayğılarının hər zaman Prezident İlham Əliyevin və Birinci vitse-prezident Mehriban Əliyevanın diqqət mərkəzində olduğunu bildirən A.Əliyev bu ailələrin övladlarına dəstək göstərməyin hər kəsin vətəndaşlıq borcu olduğunu vurğulayıb.
Görüş iştirakçıları səmimi qəbula görə minnətdarlıqlarını bildirib, 10 yaşlı Zəhra İmanlı vətənpərvər şeirləri ilə çıxış edib. Eyni zamanda, media nümayəndələri hər zaman şəhid və qazi ailələrinin övladlarının qayğılarının diqqət mərkəzində saxlanması istiqamətində atılacaq addımları bundan sonrada davam etdirəcəklərini bildiriblər.
Sonda iştirakçılara Milli Məclisin Gənclər və idman komitəsinin Fəxri fərmanı və hədiyyələr təqdim edilib.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Assosiasiya sədri: Azərbaycanda arbitraj sisteminin yaradılması beynəlxalq nizama da töhfə verəcək ...
25 Aprel
Macarıstan Azərbaycandan qaz tədarükünü artırmaq istəyir
25 Aprel
ADNSU-da COP29 çərçivəsində beynəlxalq konfrans işə başlayıb
25 Aprel
Macarıstan şirkətlərinin Qarabağın bərpasında iştirak edəcəyi tarix açıqlanıb
25 Aprel
Bakıda "Yaşıl dünyamız gözlərə nur verən elmin işığında” mövzusunda elmi konfrans keçirilir ...
25 Aprel
Azərbaycan və Qırğızıstan prezidentləri Füzuli şəhərinin dağıdılmış yerlərinə baxıb, şəhərin Baş pla...
25 Aprel
Nazir: Azərbaycanla enerji sahəsində əməkdaşlıq Macarıstanın enerji təhlükəsizliyini artırır ...
25 Aprel
Nazir: Azərbaycanla Macarıstan arasında ticarət dövriyyəsi 40 faiz artıb
25 Aprel
Əmək və əhalinin sosial müdafiəsi naziri Macarıstanın xarici işlər və beynəlxalq ticarət naziri ilə ...
25 Aprel
Məhkəmə-Hüquq Şurasının sədri: Yerli məhkəmələr arbitraj institutunun uğurlu olması üçün lazımi dəst...
25 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!