09:03 17 Iyun 2021
ONLINE XƏBƏR LENTİ
02:31 17.06.2021

BİLDİRİŞ


02:29 17.06.2021

BİLDİRİŞ


02:28 17.06.2021

BİLDİRİŞ


23:15 16.06.2021 Səfər başa çatdı
Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Adil Əliyev: Azərbaycan-Türkiyə arasındakı qardaşlıq nümunəsinin bənzəri yoxdur
 
ANA SƏHİFƏ / İQTİSADİYYAT
18:47 10.06.2021

Dünya dövlətləri arasında münasibətlər yalnız maraqlar üzərində formalaşmasına baxmayaraq, Yer üzündə yalnız iki ölkə var ki, onların əlaqələri dostluq, qardaşlıq prinsiplərinə əsaslanır. Dünyada Azərbaycan və Türkiyə qədər bir-birinə yaxın olan ikinci dostluq modelinə indiyədək rast gəlinməyib. İstər Azərbaycan, istərsə də qardaş Türkiyə dövlətinin rəhbərlərinin bir-birinə xoş, dostluq münasibətləri ölkələrimizə də sirayət edib və bu əlaqələr daha da möhkəmlənib. Bu gün Azərbaycan və Türkiyə arasındakı tərəfdaşlıq təbii ki, dünyanın bir çox ölkələri tərəfindən böyük qısqanclıqla qarşılanır.

Bu fikirləri AZƏRTAC-a açıqlamasında Milli Məclis sədrinin müavini Adil Əliyev söyləyib.

Ulu öndər Heydər Əliyevin “Bir millət, iki dövlət” kəlamını rəhbər tutaraq birləşən iki dövlətin tarixin bütün çətin sınaqlarından üzüağ çıxaraq dostluqlarını daha da möhkəmləndirdiklərini bildirən Adil Əliyev deyib: “Prezident, Müzəffər Ali Baş Komandanın rəhbərlik etdiyi rəşadətli Ordumuz tərəfindən aparılan şanlı Vətən müharibəsində qardaş Türkiyənin və onun Prezidenti Rəcəb Tayyib Ərdoğanın istər diplomatik, istərsə də mənəvi dəstək xalqımız tərəfindən hər zaman yüksək qiymətləndiriləcək. Ölkəmizin haqlı mövqeyində bizə göstərdiyi mənəvi və siyasi dəstək alqışa layiqdir. Prezident Rəcəb Tayyib Ərdoğanın rəhbərliyi ilə qardaş Türkiyənin bütün aidiyyəti qurumlarının Vətən müharibəsində ölkəmizə göstərdiyi dəstək təbii olaraq bir çox ölkələr tərəfindən qısqanclıqla qarşılandı, qardaş ölkəyə qarşı haqsız təzyiqlər artdı. Müharibədə qazandığımız tarixi Qələbəyə bizim qədər sevinən yenə türk qardaşlarımız oldu”.

A.Əliyev bildirib ki, postmüharibə dövründə də ölkələrimiz arasında münasibətlər yüksələn xətlə inkişaf edir. Ölkələrimiz arasında təbii qazın istehsalı, satışı, daşınması sahələrində münasibətlər artıq tənzimlənib. Eyni zamanda, bu, yalnız iki ölkə arasında yeni sazişin imzalanması deyildi, habelə regionda və böyük coğrafi məkanda enerji siyasətinin əsaslarını təşkil edir. Bu gün Qərb ölkələrinin enerji siyasətinin əsas çaları hesab edilən “Nabucco” kəmərinin reallaşması məhz bu iki qardaş ölkə arasında razılaşdırılan yeni qaz sazişindən asılıdır. Habelə daha əvvəl Bakı-Tbilisi-Ceyhan neft, Bakı-Tbilisi-Ərzurum qaz kəmərlərinin istifadəyə verilməsi enerji təhlükəsizliyinin təminatında nadir hadisə hesab olunur.

“Eyni zamanda, Azərbaycan ilə Türkiyə arasında dostluq, habelə sıx iqtisadi münasibətlər fonunda hər iki ölkənin vəzifəli şəxsləri qarşılıqlı mütəmadi səfərlər həyata keçirirlər. Bu mənada hökumət nümayəndələrinin, habelə deputatların və siyasi partiya rəhbərlərinin səfərləri mühüm yer tutur.

Təbii ki, münasibətlərin hər zaman yüksək səviyyədə olması üçün hər iki tərəfin göstərdiyi səylərlə yanaşı, eyni tarix, eyni dil və xalqlarımızı birləşdirən mühüm məqamlar hər zaman prioritet təşkil edir. Prezident İlham Əliyevin də qeyd etdiyi kimi : “Türkiyə-Azərbaycan dostluğu sarsılmazdır, əbədidir”, - deyə A.Əliyev vurğulayıb.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM