ABŞ nüvə razılaşmasına dair müqaviləyə qayıtmaq niyyətindədir
ABŞ nüvə proqramına aid olmayan sanksiyaları aradan qaldırmaq qərarına gəlib. Lakin İran hökuməti üzərinə düşən öhdəlikləri tam olaraq yerinə yetirməlidir.
AZƏRTAC xəbər verir ki, bu sözləri ABŞ-ın Atom Enerjisi üzrə Beynəlxalq Agentlik (AEBA) yanındakı daimi nümayəndəsi Luis Bono deyib. Vyanada AEBA-nın İdarə Heyətinin iclasında çıxış edən L.Bono diqqətə çatdırıb ki, ABŞ müttəfiqləri ilə birlikdə diplomatik danışıqları bərpa edib nüvə razılaşmasına dair müqaviləyə qayıtmaq niyyətindədir. Lakin İran bütün öhdəlikləri tam olaraq yerinə yetirməlidir.
Rəsmi Tehran isə bildirir ki, 2015-ci ildə İran, ABŞ və Avropa dövlətləri arasında imzalanan və mətbuatda “nüvə razılaşması” adı alan müqaviləni rəsmi Vaşinqton birtərəfli qaydada tərk etdi, üstəlik, nəinki müqavilədə göstərildiyi kimi sanksiyaları ləğv etmədi, əksinə, daha da sərtləşdirdi. Bütün bunlar beynəlxalq hüquqa və ikitərəfli razılaşmalara ziddir. Bununla yanaşı, İran AEBA əməkdaşlarına ölkədəki nüvə obyektlərinə daxil olub monitorinq aparmağa icazə verdi. Nüvə silahının hazırlanmasına dair sübut isə tapılmadı. Bütün bunlar müqavilədə göstərilmişdi və İran bunlara əməl etdi. Lakin qeyd etdiyimiz kimi, sanksiyalar aradan qaldırılmadı ki, bu da İran iqtisadiyyatına və əhalinin sosial vəziyyətinə olduqca mənfi təsir göstərdi. Digər tərəfdən, COVID-19 pandemiyası vəziyyətin daha kəskin xarakter almasına səbəb oldu. İrana qarşı tətbiq olunan sanksiyalara görə ölkəyə tibbi ləvazimat və dərman preparatlarının gətirilməsi çətinləşdi, bu isə koronavirusun yayılmasının qarşısını almağa mane oldu. İranda virusun geniş yayılmasının, yoluxma və ölüm hallarının artmasının səbəblərindən biri də məhz sanksiyalardır. Yuxarıda deyilənləri nəzərə alan İran ABŞ rəsmilərinə etimad etmədiyi üçün əvvəlcə sanksiyaların aradan qaldırılmasını tələb edir.
Ötən həftə AEBA-nın baş direktoru Rafael Qrossi İrana səfər edərək rəsmi şəxslərlə görüşüb. Görüşlərin nəticəsi olaraq Vyanada danışıqların davam etdirilməsi qərara alınıb. Gələn həftə Vyanada AEBA-nın sessiyası keçiriləcək və İran nümayəndə heyəti bu tədbirdə iştirak edəcək. Bu məsələdə müsbət məqam ondan ibarətdir ki, tərəflər danışıqları davam etdirmək niyyətində olduqlarını bildiriblər. Müzakirələrdən sonra hansı qərarların qəbul ediləcəyini və onların necə icra olunacağını isə zaman göstərəcək.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Keçmiş məcburi köçkünlərin müraciətləri dinlənilib
25 Aprel
Türkiyənin “ASELSAN” şirkəti ixrac həcmini 1 milyard dollara çatdırmağı planlaşdırır ...
25 Aprel
Qırğızıstan Prezidenti Sadır Japarovun Azərbaycana dövlət səfəri başa çatıb
25 Aprel
Milli Məclisin sədri Türk Dövlətləri Parlamentlərinin Xarici Əlaqələr Komitələri sədrlərinin iclasın...
25 Aprel
Türkiyənin Kahramanmaraş Sütcü İmam Universiteti ilə Azərbaycan Tibb Universiteti arasında birgə elm...
25 Aprel
Fransızların çoxu Makronun Aİ qərarlarına real təsir göstərdiyinə inanmır
25 Aprel
Dəyişən iqlim şəraitində əməyin mühafizəsi ilə bağlı maarifləndirmə tədbirləri təşkil olunub ...
25 Aprel
Rusiya XIN: Moskva Azərbaycanla Ermənistan arasında dövlət sərhədinin delimitasiyasına gələcəkdə də ...
25 Aprel
Azərbaycan və Qırğızıstan prezidentləri Ağdam şəhərində olublar YENİLƏNİB
25 Aprel
Azərbaycanın Milli Qəhrəmanı Albert Aqarunovun Şəhidlər xiyabanında xatirəsi anılıb
25 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!