16:38 20 Aprel 2021
ONLINE XƏBƏR LENTİ
00:51 20.04.2021

DƏMİR YUMRUĞUN ABİDƏSİ


Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

ABŞ-ın Yuta Universitetində Xocalı qətliamına həsr edilmiş mühazirə oxunub
ANA SƏHİFƏ / SİYASƏT
09:21 26.02.2021

 

ABŞ-ın Salt Lake Siti şəhərində yerləşən Yuta Universitetində səfir Elin Süleymanov Ermənistan-Azərbaycan münaqişəsinə həsr olunmuş onlayn mühazirə deyib.

AZƏRTAC xəbər verir ki, Xocalı soyqırımının 29-cu il dönümünə həsr olunan mühazirədə səfir “Human Rights Watch” təşkilatının da qeyd etdiyi kimi, Xocalıda Azərbaycanlılara qarşı ən böyük qətliamın həyata keçirildiyini bildirib, qadınlar, yaşlılar və uşaqlar da daxil olmaqla, 100-lərlə günahsız insanın Ermənistan silahlı qüvvələri tərəfindən amansızcasına qətlə yetirildiyini diqqətə çatdırıb.

Münaqişənin tarixi barədə ətraflı məlumat verən səfir Süleymanov, 30 ilə yaxın müddətdə ölkəmizin ərazisinin 20 faizə yaxın hissəsinin Ermənistanın işğalı altında qalması, 1 milyona yaxın insanın öz evlərindən məcburi köçkün vəziyyətinə düşməsi, 100 minlərlə uşağın təhsil də daxil olmaqla hüquqlarından məhrum olmasını qeyd edib, BMT Təhlükəsizlik Şurasının 4 qətnaməsinə məhəl qoymayan Ermənistanın öz təcavüzkar əməllərindən əl çəkməməsinə diqqət yetirib. Səfir qeyd edib ki, 2019-cu ildə Ermənistan müdafiə naziri olmuş Davit Tanayanın “yeni ərazilər üçün yeni müharibə” bəyanatını səsləndirməsi və ümumiyyətlə Ermənistanın müharibə ritorikası ATƏT-in Minsk qrupunun həmsədrliyi ilə aparılan danışıqlar prosesini zərbə altına qoyub.

E.Süleymanov 2020-ci ilin iyul ayında Ermənistan münaqişə zonasından 100 kilometrlərlə aralıda yerləşən Azərbaycanın Tovuz rayonu istiqamətindən ölkəmizə qarşı hərbi təxribata keçməsi, mülki əhalini mərmi atəşinə tutmasından və həmin regionun yaxınlığından keçən olduqca vacib enerji kəmərlərini təhlükə altında qoymasından bəhs edib. Daha sonra 2020-ci ilin sentyabr ayında Ermənistanın növbəti hərbi təxribatından bəhs edən səfir, 6 həftə davam edən gərginlikdən sonra Azərbaycanın 30 ilə yaxındır ki, işğal altında olan torpaqları geri qaytararaq, TŞ-nin müvafiq qətnamələrini həyata keçirdiyini vurğulayıb.

Səfir, Azərbaycanın Dağlıq Qarabağın erməni əhalisinin tam hüquqlu Azərbaycan vətəndaşları olduğunu və onların sülh şəraitində yaşaması üçün Azərbaycan tərəfinin təminat veridiyini qeyd edib. O, regionun daha yaxşı gələcəyi və davamlı sülh üçün erməni xalqını Azərbaycan və digər qonşularla sülh şəraitində yaşamağa və firavan gələcək seçməyə cağırıb.

Daha sonra səfir tələbələrin ölkəmizin ABŞ-la münasibətləri, regionda əhəmiyyəti, enerji və infrastruktur layihələrində rolu və digər maraq kəsb edən məsələlərlə bağlı çoxsaylı suallarını cavablandırıb. O, Azərbaycanın olduqca əhəmiyyətli coğrafi mövqedə yerləşməsindən, əhalisinin müsəlman çoxluğa malik olmasına baxmayaraq, burada müxtəlif dinlərin nümayəndələrinin, o cümlədən xristian və yəhudilərin sülh və əminamanlıq şəraitində yaşamasından bəhs edib, müsəlman dünyasının ilk demokratik respublikası olan Azərbaycanın bir sıra aparıcı qərb dövlətlərindən, o cümlədən ABŞ-dan daha öncə, 1919-cu ildə qadınlara seçki hüququ verməsindən bəhs edib.

Yuta Universitetinin professoru Hakan Yavuzun moderatorluğu ilə keçən onlayn tədbirdə Universitetin tələbə heyəti iştirak edib.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM