10:56 07 May 2021
ONLINE XƏBƏR LENTİ
00:49 07.05.2021

Azərbaycanın xilaskarı


00:40 07.05.2021

BİLDİRİŞ


Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

ABŞ hərbçiləri Əfqanıstanda hərbi mövcudluğun saxlanmasına tərəfdardır
 
ANA SƏHİFƏ / DÜNYA
13:57 15.04.2021

 Yüksək rütbəli amerikalı hərbçilər Əfqanıstanda kiçik hərbi mövcudluğun qorunmasını istəyir.

AZƏRTAC “Politico” qəzetinə istinadla xəbər verir ki, bu barədə ABŞ-ın hazırkı və sabiq rəsmi şəxsləri bildiriblər. Məlumata əsasən, yüksək rütbəli hərbçilər Əfqanıstanda hərbi müşavirlər və xüsusi təyinatlı qüvvələr qismində kiçik mövcudluğun saxlanılmasının vacibliyini qeyd ediblər. Onların fikrincə, Əfqanıstanda “Taliban” hərəkatının qarşısının alınması üçün ABŞ-ın bir neçə minlik hərbi kontingentinin orada olması vacibdir.

Əfqanıstanda hərbi mövcudluğun qorunmasının tərəfdarları arasında ABŞ Silahlı Qüvvələrinin Birləşmiş Qərargah Rəisləri Komitəsinin sədri Mark Milli də var.

CNN telekanalının məlumatına görə, hərbçilərdən əlavə, ABŞ Dövlət Departamentinin bəzi rəsmiləri də ABŞ qoşunlarının Əfqanıstandan tam çıxarılması planının əleyhinə çıxış edirlər.

Bir müddət öncə ABŞ administrasiyası hərbi kontingentin Əfqanıstandan çıxarılması prosesinin mayın 1-dən başlanacağı və sentyabrın 11-dək başa çatacağı barədə məlumat yayıb. Prosesin müttəfiqlər və tərəfdaşlarla tam koordinasiyalı şəkildə aparılacağı bildirilir.

Xatırladaq ki, fevralın 29-da ABŞ və “Taliban” hərəkatı arasında sülh sazişi imzalanıb. Sazişə əsasən, Birləşmiş Ştatlar və müttəfiqləri 14 ay ərzində öz qoşunlarını Əfqanıstandan çıxarmalıdır. “Taliban” hərəkatı isə öz növbəsində ölkə ərazisini Birləşmiş Ştatlar və müttəfiqlərinin təhlükəsizliyinə təhlükə törədəcək fəaliyyət üçün istifadə etməyəcəkləri barədə zəmanət verib.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM