30 Sentyabr 2021 01:36
2893
Oxucu məktubları
A- A+

40 ilin zibilxanasından canımız qurtardı

 

Cəlilabad şəhər Mirzəli Hüseynzadə küçəsində yerləşən keçmiş “Məişət Evi”nin arxasında hələ sovetlər dönəmindən bu günümüzədək “yadigar” qalmış və yaxın günlərədək “təyinat”ını dəyişməyən böyük bir zibillik poliqonu var idi. Həmin əraziyə təxminən 40 il ərzində yaxınlıqdakı 2 mərtəbəli yaşayış binasının sakinləri ilə yanaşı, həm də ətraf küçələrin, xüsusilə də “Mərdiməzar” adlanan zonanın bir çox sakinləri öz məişət tullantılarını atırdılar.

Buna görə şəhərin gözdən uzaq, amma tam mərkəzində üfunətli bir mənzərə yaranmışdı. Bu ərazi sözün əsl mənasında bakteriya və mikrob mərkəzi, gəmirici, bəzən də yırtıcı və zəhərli heyvanların məkanına çevrilmişdi... Bəzən də məsuliyyətsiz şəxslər həmin zibilliyə od vurur və bunun nəticəsində ətrafda yerləşən evlərə və həyətyanı sahələrə, xüsusilə də ərazidən keçən dövlət əhəmiyyətli qaz xətti üçün ciddi təhlükə yaranırdı. Sonuncu dəfə ötən ilin avqust ayında törədilmiş yanğın nəticəsində ətraf sakinlərə ciddi ziyan dəymiş, yanğın hətta mərkəzi stadionun ərazisinə də keçmişdi. Yalnız yanğınsöndürənlərin əraziyə vaxtında gəlməsi və alovu söndürməsi nəticəsində böyük bir təhlükə sovuşmuşdu.

Bu barədə dəfələrlə aidiyyəti qurumlara və məsul şəxslərə müraciət etmişdim. Təəssüflər olsun ki, son 7 il ərzində heç bir müraciət və xahişin təsiri olmamışdı. Əlacsız qalıb ətrafda yaşayan qonşulara müraciət edərək bura zibil atmamağı və zibilləri yandırmamağı xahiş etmişdim.

Son olaraq Cəlilabad rayon Kommunal Müəssisələri Kombinatına gedib problemi danışdım. Doğrusu, gözləmədiyim halda problem tez bir zamanda həll olundu. Qısa vaxtda əraziyə ekskovator və 2 “Kamaz” maşını cəlb edildi, məişət tullantıları yığılaraq daşındı, yeri isə torpaq tökülərək hamarlandı.

Deməli, istənilən problemi həll etmək mümkündür, təki istək və məsuliyyət olsun.

 

İlqar İSMAYILZADƏ,

İlahiyyat elmləri üzrə fəlsəfə doktoru,

Cəlilabad rayon sakini

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video