3 ildə 13 məktəb binası tikilib
Regionların sosial-iqtisadi inkişafına dair Dövlət Proqramının bölgələrə ən böyük töhfələrindən biri də yeni məktəb binalarının inşası ilə bağlıdır. Təkcə son üç ildə Şəmkir rayonunda 13 məktəb binası tikilib, yaxud əsaslı şəkildə təmir edilib. Ümumən yeni tikilən binalardan altısı Heydər Əliyev Fondunun vəsaiti hesabına olub.
Sabirkənd Şiştəpə bölgəsində yerləşir. Burada azı beş min nəfər əhali yaşayır. Barlı-bəhrəli kəndlərdən biri sayılır. Rayonun ən iri təhsil ocaqlarından biri məhz Sabirkənddə yerləşir. Şagirdlərin sayı doqquz yüz nəfərdən çoxdur. Rayon üzrə qabaqcıl məktəb kimi tanınır. Hər il 16-18 nəfər ali məktəblərə daxil olur. Ötən il 643 bal toplayan Kəklik Cavadova Bakı Dövlət Universitetində, 634 bal yığan Aytac Əliyeva isə Xarici Dillər Universitetində təhsil alır. Məktəbin azı doxsan yaşı var. Ötən əsrin iyirminci illərində açılıb. Əvvəllər çox darısqal otaqlarda yerləşirdi. Sonralar uyğunlaşdırılmış binaya köçürülsə də, şəraiti heç də yaxşı deyildi. Ona görə də indi müasir quruluşlu üçmərtəbəli məktəb binası inşa edilir. 960 nəfər üçün nəzərdə tutulub. Bu, bölgənin ən iri məktəblərindən biri olacaq.
Məktəb binasının inşası "Şəmkir - 18" MMC-nin ustalarına həvalə olunub. Bu günlərdə Sabirkənddə olduq. Hər iş qabaqcadan tərtib edilmiş cədvəl üzrə gedirdi. Yuxarı mərtəbədə hörgü işləri, dam örtüyü başa çatıb. Aşağı mərtəbələrdə taxta döşənir, qapı-pəncərələr salınır, suvaq işləri aparılır. Su, işıq, kanalizasiya problemləri artıq həll olunub. Müasir üslublu istilik sistemi quraşdırılır. Əsasən rəngləmə və ətrafın abadlaşdırılması işləri qalır. İş icraçısı Fazil Cəfərov, ustalardan Nəvai Qarayev, Saməddin Alırzayev, Mahmud Qarayev və başqaları səylə, səliqə ilə çalışırlar.
Məktəb binasının tikintisinin gedişi ilə kənddə hamı maraqlanır. Müəllimlər, valideynlər tez-tez gəlib baxır, yeri düşəndə ustalara qayğı, kömək göstərirlər. Burada işıqlı-yaraşıqlı onlarca sinif otağı, bir neçə laboratoriya, fənn kabineti, kitabxana, yeməkxana və idman zalı olacaqdır. Təzə məktəb binası yeni dərs ilinə kimi istifadəyə veriləcəkdir. Kənd sakinləri son illərdə məktəb tikintisinə olan qayğı və diqqətdən ürək dolusu danışır, deyirlər ki, təkcə bu ətrafda, bir neçə məktəb binası inşa olunub, yaxud əsaslı şəkildə təmir edilib.
Təhsil şöbəsinin müdiri Məcid Şıxlı deyir ki, son illərdə Şəmkir rayonunda digər abadlıq və quruculuq işləri ilə yanaşı məktəb tikintisinə də xüsusi üstünlük verilir. Ümumtəhsil məktəblərinin yarıdan çoxu yenidən tikilib, yaxud əsaslı təmir olunub. Keçən il Abbaslı kənd 1 saylı, Düyərli kənd 2 saylı məktəblərinin hər biri üçün 480 yerlik yaraşıqlı bina istifadəyə verilib. Seyidlər kənd məktəbi də təzə binaya köçüb. Düyərli 2 saylı və Günəşli tam orta məktəblərinin binaları əsaslı təmir olunub.
Cari ildə Ceyrançöldə və Qaralar kəndində yeni məktəb binaları vaxtından əvvəl istifadəyə verilib. Hazırda Sabirkənddən əlavə Nazirlər Kabinetinin 2012-ci il 6 fevral tarixli sərəncamına əsasən Zəyəm qəsəbəsində iki saylı orta məktəb üçün 480 yerlik, Qasım İsmayılov və Seyfəli kəndlərinin hər birində 360 yerlik məktəb binaları inşa olunur. Dağ Cəyir və Yeni Göyçə məktəbində isə əsaslı təmir işləri görülür.
Məktəblərin maddi-texniki bazasının möhkəmləndirilməsi ilə əlaqədar tədrisin keyfiyyətinin daha da yüksəldilməsi və təzə məktəb binalarının təmiz və abad saxlanılması üçün sistemli tədbirlər görülür. Xanalar, Ceyrançöl, Qaralar məktəblərində və başqa yerlərdə sanitar qrupları yaradılıb. Məktəbə ayaqqabı ilə girmək qadağandır. Bütün şagirdlər çəkələklə təmin olunur. Divarlarda, otaqlarda, dəhlizlərdə azacıq toz-torpaq müşahidə olunan kimi növbətçi "sanitarlar" o dəqiqə təmizləyirlər. Bununla yanaşı, yeni istifadəyə verilən binaların həyətlərinə ekoloji qruplar nəzarət edir. Hər hansı ağac və gül kolu quruyan kimi yenisi ilə əvəz olunur. Səkilər və istinad divarları müntəzəm surətdə təmizlənir. İmkan olan yerdə meyvə və bəzək ağacları əkilir. Sabirkənd məktəbinin fəalları təzəlikcə yol boyu iki yüzdən çox ağac əkiblər. Rayon təhsil şöbəsində dedilər ki, hər hansı məktəbin fəaliyyətinə qiymət veriləndə tədrisin keyfiyyəti ilə yanaşı kollektivdəki səliqə-sahmana da xüsusi diqqət yetirilir.
Əhməd İSAYEV,
"Azərbaycan"
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Avropa çempionatı: Azərbaycan minifutbol millisinin mümkün rəqibləri bəlli olub
28 Mart
Qazaxıstan Prezidenti: Orta Dəhliz üzrə daşımaların həcmi 10 milyon tona çata bilər
28 Mart
RF XİN: Ermənistan kollektiv Qərbin son dərəcə təhlükəli planlarının alətinə çevrilir
28 Mart
DTX-nin rəisi: Ali Baş Komandanın bizə olan inamını daim doğrultmağa çalışacağımızı qətiyyətlə bəyan...
28 Mart
Azərbaycanın basketbol yığmaları Türkiyə klublarına qalib gəliblər
28 Mart
Sabah ölkə ərazisində hava əsasən yağmursuz olacaq
28 Mart
Rusiyadan stikerləri Azərbaycan dilində olan məhsulların idxal müddəti uzadılıb
28 Mart
Ombudsman Səbinə Əliyeva Xankəndidə erməniəsilli sakinlərlə görüşüb
28 Mart
Fövqəladə Hallar Nazirliyi tərəfindən daha bir qanunsuz tikili sökülüb
28 Mart
Davamlı öskürəyin ev şəraitində müalicəsi xəstəliyin ağırlaşmasına səbəb ola bilər ...
28 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!