17 Mart 2021 21:46
724
Elm və texnika
A- A+

2021-ci il üzrə Abel mükafatı laureatlarının adları açıqlandı  

Norveç Elmlər və Ədəbiyyat Akademiyası riyaziyyat üzrə Abel mükafatını bu il macar alim Laslo Lovasa və israilli alim Avi Viqdersona təqdim edir.

AZƏRTAC TASS informasiya agentliyinə istinadla xəbər verir ki, builki mükafat nəzəri informatikaya və diskret riyaziyyata verilən sanballı töhfəyə və onların müasir riyaziyyatda mərkəzi sahəyə çevrilməsində aparıcı roluna görə müəyyən edilib.

Hər iki alim mürəkkəb hesablamalar nəzəriyyəsinə töhfələr veriblər. Riyaziyyatın bu sahəsi 1970-ci illərdən inkişaf etməyə başlayıb. Hazırda internet təhlükəsizliyinin nəzəri əsasına çevrilərək həm riyaziyyatın, həm də nəzəri informatikanın bölməsi kimi qəbul edilib.

Laslo Lovas Macarıstan Elmlər Akademiyası yanında Alfred Renyi İnstitutunda və Budapeşt Universitetində, Avi Viqderson Prinstonda (ABŞ) Perspektiv Tədqiqatlar İnstitutunda işləyir.

Sözügedən mükafat Norveç riyaziyyatçısı Nils Abelin (1802-1829) şərəfinə adlandırılır. O, elliptik funksiyalar nəzəriyyəsinin banisi olub. 2002-ci ildə alimin anadan olmasının 200 illiyi münasibətilə Norveç hökuməti Abel Fondunun və eyniadlı mükafatın təsis edilməsinə 200 milyon kron ayırıb. Bu mükafatın təsis olunmasında məqsəd təkcə riyaziyyat sahəsində elmi xidmətləri dəyərləndirmək deyil, həmçinin gənclər arasında bu elmin populyarlığının artmasına kömək etməkdir. İlk mükafat 2003-cü ildə verilib. Mükafatın məbləği 7,5 milyon krondur. Mükafatın təqdimetmə mərasimi yazın sonunda keçirilir. Ənənəyə görə, mükafatı laureata Norveç kralı təqdim edir.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video