26 Fevral 2020 11:11
1848
MSK
A- A+

2020-ci il fevralın 9-da keçirilmiş Azərbaycan Respublikasının Milli Məclisinə seçkilərdə Mərkəzi Seçki Komissiyasına daxil olmuş 24 fevral 2020-ci il tarixli 404 saylı müraciətə baxılması barədə Azərbaycan Respublikası Mərkəzi Seçki Komissiyasının QƏRARI

2020-ci il fevralın 9-da keçirilmiş Azərbaycan Respublikasının Milli Məclisinə (Milli Məclis) seçkilərdə 72 saylı Yardımlı – Masallı seçki dairəsi üzrə qeydə alınmış namizəd Ağayev Sahib Layic oğlu 2020-ci il fevralın 24-də Azərbaycan Respublikasının Mərkəzi Seçki Komissiyasına (Mərkəzi Seçki Komissiyası) yazılı müraciət edərək adıçəkilən seçki dairəsi dairə seçki komissiyasının 18 fevral 2020-ci il tarixli 19/61 saylı qərarını mübahisələndirərək, həmin qərarla razılaşmadığını və faktların yenidən araşdırılmasını xahiş etmişdir.

Müraciət Azərbaycan Respublikası Seçki Məcəlləsinin (Seçki Məcəlləsi) 112-ci, 112-1-ci maddələrinə və "Azərbaycan Respublikasının Mərkəzi Seçki Komissiyasına və dairə seçki komissiyalarına seçki hüquqlarının pozulması ilə əlaqədar şikayət və müraciətlərin verilməsi və onlara baxılması qaydaları haqqında Təlimat”ın tələblərinə uyğun olaraq Mərkəzi Seçki Komissiyasının nəzdində ekspert qrupunun üzvü tərəfindən icraata qəbul edilmiş, araşdırılaraq rəy verilmiş və Komissiyanın iclasında baxılmışdır.

S.L.Ağayev müraciətində dairə seçki komissiyasında onun ərizəsinin düzgün araşdırılmadığını, təqdim etdiyi videogörüntülərin tədqiq edilmədiyini qeyd edərək dairə seçki komissiyasının müvafiq qərarının ləğv edilməsini, pozulmuş hüquqlarının bərpa olunmasını xahiş etmişdir.

Dairə seçki komissiyası qərarını onunla əsaslandırmışdır ki, müraciətdə iddia edilən qanun pozuntuları təsdiqini tapmadığı üçün müraciət əsassız hesab edildiyindən təmin edilməmişdir.

Araşdırma ilə əlaqədar qeydə alınmış namizədlə əlaqə saxlanılmış, araşdırma və iclasda iştirak etmək, həmçinin digər hüquqlarının olması izah edilmişdir.

Dairə seçki komissiyasının mübahisələndirilən qərarı və digər sənədlər alınaraq araşdırma materiallarına əlavə edilmişdir.

Dairə seçki komissiyası qeyd edilən qərarını onunla əsaslandırmışdır ki, araşdırma nəticə¬sində seçki məntəqələrində baş verməsi ehtimal olunan qanun pozuntuları təsdiqini tapmadığından və səsvermənin keçirilməsi və ya nəticələrinin hesablanması zamanı həmin seçki məntəqələri üzrə seçicilərin iradəsini sərbəst ifadə etməsinə imkan verməyən qanun pozuntuları aşkarlanmadığından qeydə alınmış namizəd S.L.Ağayevin müraciəti əsassız hesab edilərək təmin edilməməlidir.

Müraciətin hərtərəfli araşdırılması məqsədilə qeydə alınmış namizədin təqdim etdiyi elektron məlumat daşıyıcısında olan məlumatlar, müxtəlif siyasi partiyaları və namizədləri təmsil edən müşahidəçilərdən və adıçəkilən məntəqə seçki komissiyalarının üzvlərindən alınmış izahatlar, səsvermə günü sosial şəbəkələrdə yayımlanan məlumatlar, həmin dairə seçki komissiyasının mübahisələndirilən qərarı və digər seçki materialları ətraflı tədqiq edilmişdir.

Dairə seçki komissiyasının S.L.Ağayev və digərlərinin şikayətinə baxılması üzrə araşdırma materiallarına baxış keçirilərkən müəyyən edildi ki, onların təqdim etdikləri bir ədəd elektron məlumat daşıyıcısına baxış keçirilmiş və müəyyən edilmişdir ki, həmin məlumat daşıyıcısında olan videogörüntülərdə seçki qanunvericiliyinin pozulmasını təsdiq edən, səsvermə günü seçicilərin iradəsini müəyyənləşdirməyə imkan verməyən hallar əks olunmamışdır.

Müraciətdə göstərilən halların araşdırılması məqsədilə müxtəlif siyasi partiyaları və namizədləri təmsil edən müşahidəçilərdən və müvafiq məntəqə seçki komissiyalarının üzvlərindən, o cümlədən mübahisələndirilən seçki məntəqələrində səs vermiş seçicilərdən alınmış izahatlardan müəyyən edilir ki, şikayətdə göstərilən qanun pozuntuları təsdiqini tapmır.

Beləliklə, ərizədə iddia edilən qanun pozuntuları şikayət üzrə toplanmış materiallarla tam təkzib olunur.

S.L.Ağayev və digərlərinin müraciətinin tam, obyektiv, hərtərəfli və qərəzsiz araşdırılması nəticəsində dairə seçki komissiyası həmin müraciətin təmin olunması üçün faktiki və hüquqi əsasların müəyyən edilməməsi və əsassız hesab edildiyindən onun təmin edilməməsi barədə düzgün nəticəyə gəlmişdir.

Aparılmış araşdırmanın nəticəsi olaraq müraciətin təmin edilməsi üçün hüquqi əsaslar mövcud olmadığından müraciət təmin edilməməli, dairə seçki komissiyasının qərarı dəyişdirilmədən saxlanılmalıdır.

Yuxarıda göstərilənləri əsas götürərək, Mərkəzi Seçki Komissiyası Seçki Məcəlləsinin 19.4-cü, 28.2-ci, 112-ci, 112-1-ci maddələrinə və "Azərbaycan Respublikasının Mərkəzi Seçki Komissiyasına və dairə seçki komissiya¬larına seçki hüquqlarının pozulması ilə əlaqədar şikayət və müraciətlərin verilməsi və onlara baxılması qaydaları haqqında Təlimat”ın 1-ci, 2-ci, 4-cü, 6-cı və 7-ci hissələrinə əsasənqərara alır:

1. 2020-ci il fevralın 9-da keçirilmiş Milli Məclisə seçkilərdə 72 saylı Yardımlı – Masallı seçki dairəsi üzrə qeydə alınmış namizəd Ağayev Sahib Layic oğlunun Mərkəzi Seçki Komissiyasına daxil olmuş 24 fevral 2020-ci il tarixli 404 saylı müraciəti əsassız olduğundan təmin edilməsin, həmin dairə seçki komissiyasının 18 fevral 2020-ci il tarixli 19/61 saylı qərarı dəyişdirilmədən saxlanılsın.

2. Bu Qərar dərc edildiyi gündən qüvvəyə minir.


Sədr Məzahir Pənahov

Katib Arifə Muxtarova

Katib Mikayıl Rəhimov

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video