2019-cu il dekabrın 23-də keçirilmiş bələdiyyə seçkilərində 4 yanvar 2020-ci il tarixli 57 saylı müraciətə baxılmasına dair Azərbaycan Respublikası Mərkəzi Seçki Komissiyasının Qərarı
Qərar № 5/34
2019-cu il dekabrın 23-də keçirilmiş bələdiyyə seçkilərində 71 saylı Masallı kənd seçki dairəsindən Ərkivan bələdiyyəsi üzrə qeydə alınmış namizəd Cahangirov Afər Nadir oğlu 4 yanvar 2020-ci ildə Azərbaycan Respublikasının Mərkəzi Seçki Komissiyasına (Mərkəzi Seçki Komissiyası) ərizə ilə müraciət edərək həmin seçki dairəsinin 1, 2, 3, 4, 5, 6, 37, 38, 41 və 42 saylı seçki məntəqələrində səsvermə günü qanun pozuntularının araşdırılması barədə dairə seçki komissiyasının qəbul etdiyi 28 dekabr 2019-cu il tarixli 40/458 saylı qərarını mübahisələndirmiş, baş verilmiş qanun pozuntularının aradan qaldırılmasını xahiş etmişdir.
Müraciət Azərbaycan Respublikası Seçki Məcəlləsinin (Seçki Məcəlləsi) 112-ci və 112-1-ci maddələrinə və "Azərbaycan Respublikasının Mərkəzi Seçki Komissiyasına və dairə seçki komissiyalarına seçki hüquqlarının pozulması ilə əlaqədar şikayət və müraciətlərin verilməsi və onlara baxılması qaydaları haqqında Təlimat”ın tələblərinə uyğun olaraq Mərkəzi Seçki Komissiyasının nəzdində ekspert qrupunun üzvü tərəfindən araşdırılmış, bu barədə müvafiq rəy verilmiş və Mərkəzi Seçki Komissiyasının iclasında baxılmışdır.
Ərizəçi müraciətdə 1, 2, 3, 4, 5, 6, 37, 38, 41 və 42 saylı seçki məntəqələrində səsvermədən və səslərin hesablanmasından sonra məntəqə seçki komissiyasının protokolunun surətini onun müşahidəçilərinin almadıqlarını bildirmiş və şikayətinə bir ədəd videodisk və müşahidəçilərinin ərizələrini əlavə etmişdir.
Araşdırma prosesində müraciət etmiş qeydə alınmış namizəd A.N.Cahangirovla əlaqə saxlanılmış, araşdırma və iclasda iştirak etmək, digər hüquqlarının olması izah edilmiş, ona iclasın vaxtı barədə məlumat verilmişdir.
Həmçinin, dairə seçki komissiyasının mübahisələndirilən qərarı və digər sənədlər araşdırma materiallarına əlavə edilmişdir.
71 saylı Masallı kənd seçki dairəsinin dairə seçki komissiyası qərarını onunla əsaslandırmışdır ki, səsvermə günü seçki məntəqələrində baş verməsi ehtimal olunan qanun pozuntuları ilə bağlı iddia olunanlar dairə seçki komissiyasına ünvanlanmış müraciətdə öz əksini tapmadığından tələb aydın olmamışdır. Elə bu səbəbdən də qeydə alınmış namizəd A.N.Cahangirovun müraciəti əsassız olduğundan təmin edilməmişdir.
Araşdırma zamanı müəyyən edilmişdir ki, səsvermə günü 71 saylı Masallı kənd seçki dairəsinin 1, 2, 3, 4, 5, 6, 37, 38, 41 və 42 saylı seçki məntəqələrində baş verməsi iddia edilən qanun pozuntuları təsdiqini tapmamış, seçicilər sərbəst şəkildə səs verərək öz iradələrini ifadə etmiş, məntəqə seçki komissiyasının səsvermənin nəticələrinə dair yekun protokolu Seçki Məcəlləsinin tələblərinə uyğun olaraq tərtib olunmuşdur. Belə ki, səsvermə günü baş verməsi iddia edilən qanun pozuntuları öz təsdiqini tapmamış və bu hal səslərin sayılmasını müşahidə etmiş, səsvermənin nəticələrinə dair protokolun surətini almış müşahidəçilər F.B.Ağayevin, Z.Ə. Əsədovun, N.F.Cəbrayılovun, T.N. Bağırovanın, R.M.Məmmədovun, Q.K.Əliyevin, E.T.Salayevin, F.C.Burhanlının, İ.S.Həsənovun, T.M.Səmədovun, A.M.Ağayevin, A.A.Aliyevin, A.A.Nuralıyevin, E.A.İbrahimlinin, A.H.Bağırovun, İ.S.Əyyubovun, R.İ.Həmidovun, X.M.Həmidovun, qeydə alınmış, lakin seçilməyən namizədlər S.L.Şiriyevin, N.Ə.Əliyevin və məntəqə seçki komissiyaları sədrlərinin izahatları ilə təsdiq olunur.
Həmçinin səsvermə günü qeydə alınmış namizəd A.N.Cahangirovun maraqlarını 2 saylı məntəqədə təmsil edən müşahidəçi S.F.Məmmədovun, 5 saylı məntəqədə müşahidəçi N.B.Atakişiyevin, 37 saylı məntəqədə V.Y.Əbilovun, 38 saylı məntəqədə R.B.Cəbiyevin, 42 saylı məntəqədə H.C.Həmidovun verilmiş izahatlarından görünür ki, seçki günü hüquq pozuntuları baş verməmiş, səslərin sayılmasından sonra səsvermənin nəticələrinə dair protokolun surətinin verilməsində heç bir maneə olmamışdır.
Müraciətə əlavə olunmuş videodiskdəki görüntülərdə qeydə alınmış namizəd A.N.Cahangirovun vətəndaşlarla görüş keçirməklə seçkiqabağı təşviqat apardığı əks olunmuşdur ki, həmin görüntülərin səsvermə günü mübahisələndirilən qanun pozuntuları ilə hər hansı bir əlaqəsinin olması öz təsdiqini tapmamışdır.
Araşdırma nəticəsində şikayətin təmin edilməsi üçün hüquqi əsaslar müəyyən olunmamışdır və 71 saylı Masallı kənd seçki dairəsi dairə seçki komissiyasının 28 dekabr 2019-cu il tarixli 40/458 saylı qərarı seçki qanunvericiliyinin tələblərinə uyğun qəbul edilmişdir.
Yuxarıda göstərilənləri əsas götürərək, Mərkəzi Seçki Komissiyası Seçki Məcəlləsinin 19.4-cü, 28.2-ci, 112-ci, 112-1-ci maddələrinə və "Azərbaycan Respublikasının Mərkəzi Seçki Komissiyasına və dairə seçki komissiyalarına seçki hüquqlarının pozulması ilə əlaqədar şikayət və müraciətlərin verilməsi və onlara baxılması qaydaları haqqında Təlimat”ın 1, 2, 4, 6, 7 və 8-ci hissələrinə əsasən qərara alır:
1. 2019-cu il dekabrın 23-də keçirilmiş bələdiyyə seçkilərində 71 saylı Masallı kənd seçki dairəsindən Ərkivan bələdiyyəsi üzrə qeydə alınmış namizəd Cahangirov Afər Nadir oğlu 4 yanvar 2020-ci il tarixli 57 saylı müraciəti əsassız olduğundan təmin edilməsin, dairə seçki komissiyasının 28 dekabr 2019-cu il tarixli 40/458 saylı qərarı dəyişdirilmədən saxlanılsın.
2. Bu Qərar dərc edildiyi gündən qüvvəyə minir.
Sədr Məzahir Pənahov
Katib Arifə Muxtarova
Katib Mikayıl Rəhimov
07.01.2020
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
"Avtomobil yolları haqqında" Azərbaycan Respublikasının Qanununda dəyişiklik edilməsi barədə...
29 Mart
Azərbaycan Respublikası Prezidentinin 2017-ci il 25 dekabr tarixli 1760 nömrəli Fərmanı ilə təsdiq e...
29 Mart
"Avtomobil yolları haqqında" Azərbaycan Respublikasının Qanununda dəyişiklik edilməsi barədə" Azərba...
29 Mart
“Müntəzəm və taksi minik avtomobili ilə sərnişin daşımalarında istifadə olunan avtonəqliyyat vasitəl...
29 Mart
“Ödəniş xidmətləri və ödəniş sistemləri haqqında” Azərbaycan Respublikasının 2023-cü il 14 iyul tari...
29 Mart
Azərbaycan Respublikası Nazirlər Kabinetinin 2020-ci il 10 yanvar tarixli 5 nömrəli Qərarı ilə təsdi...
29 Mart
“Azərbaycan Respublikası Prezidentinin “Azərbaycan Respublikasının Vergi Məcəlləsində dəyişiklik edi...
29 Mart
“Azərbaycan Respublikası Prezidentinin “Vətəndaşların müraciətləri haqqında” Azərbaycan Respublikası...
29 Mart
“Bakı şəhərətrafı dəmiryol nəqliyyatı ilə sərnişindaşıma fəaliyyəti üzrə subsidiya verilməsi Qaydala...
29 Mart
“Azərbaycan Respublikasında ixrac-idxal əməliyyatları üzrə gömrük rüsumlarının dərəcələri haqqında” ...
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!