17:20 28 Fevral 2021
ONLINE XƏBƏR LENTİ
01:20 28.02.2021

Qətiyyətin təntənəsi


01:17 28.02.2021

Prezident qayğısı


00:52 28.02.2021

Qisasın alındı, Xocalı!


00:19 28.02.2021

Virus qalxanı - anticisim


Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

20 Yanvar faciəsinin 31-ci ildönümü ilə əlaqədar Sankt-Peterburqda anım mərasimi keçirilib
 
ANA SƏHİFƏ / SİYASƏT
18:11 20.01.2021

 

Azərbaycanın Sankt-Peterburqdakı baş konsulluğunda 20 Yanvar faciəsinin 31-ci ildönümü ilə bağlı anım mərasimi keçirilib.

AZƏRTAC xəbər verir ki, bu il koronavirus pandemiyası ilə əlaqədar baş konsulluq anım tədbirini onlayn formatda təşkil edib. Tədbirdə baş konsul Sultan Qasımov, konsulluğun əməkdaşları, Sankt-Peterburqdakı Azərbaycan diasporunun üzvləri iştirak ediblər.

Mərasim iştirakçıları 20 Yanvar şəhidlərinin xatirəsini bir dəqiqəlik sükutla yad ediblər. Sonra baş konsul Sultan Qasımov çıxış edərək 1990-cı il yanvarın 20-nə keçən gecə Bakıda törədilmiş qanlı faciə barədə məlumat verib. O bildirib ki, Azərbaycanın müasir tarixinin ən böyük faciələrdən biri olan 20 Yanvar, eyni zamanda, xalqımızın qəhrəmanlıq salnaməsinin parlaq səhifəsidir. Vurğulayıb ki, 1990-cı il yanvarın 21-də ümummilli lider Heydər Əliyev ailə üzvləri ilə birlikdə Azərbaycanın Moskvadakı daimi nümayəndəliyinə gedərək faciənin təqsirkarlarının cəzalandırılmasını, hadisələrə siyasi qiymət verilməsini tələb edib.

Sultan Qasımov deyib ki, çətin müstəqillik yolundan keçən Azərbaycan xalqı bu gün Müzəffər Ali Baş Komandan İlham Əliyevin rəhbərliyi ilə 44 günlük Vətən müharibəsində 30 il erməni işğalı altında olan torpaqlarını azad edib, indi həmin torpaqlarımızda üçrəngli bayrağımız dalğalanır. Azərbaycan xalqı 20 Yanvar faciəsi qurbanlarının xatirəsini qəlbində əbədi yaşadacaq.

Sonda tədbir iştirakçıları 20 Yanvar faciəsini əks etdirən fotosərgi ilə tanış olublar.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM