2. Özümüzü, doğmalarımızı, yaxınlarımızı və yanımızdakıları qoruyaq!
Dünənə qədər dünya qanla çalxalanırdı!
İnsanlar dövlətlər daxilində və dövlətlər arasında açıq və gizli cəbhələrə bölünərək bir-birinin ayağından dartır, qanını axıdır, ara yerdə günahsız insanları, dinc sakinləri qıraraq evlərini dağıdır, çöllərə-düzlərə salır, bir ömrü sakit yaşamağa qoymurdular!
Dünənədək evi-eşiyi, bir parça çörəyi və sabaha böyük ümidləri olan insanlar bu oyunların nəticəsində qaçqına (miqranta) çevrilib evlərini, çörəklərini və ümidlərini itirərək dərbədər düşürdülər.
Çox vaxt sağ qalmaq və bir parça çörək tapmaq üçün üzlərini onları həmin günə salan və ya bütün bu haqsızlıqlara müxtəlif şəkildə dəstək verən, ən yaxşı halda özünü görməzliyə vuraraq səsini çıxarmayanların ölkəsinə üz tutur, necə deyərlər, düşmənə pənah aparırdılar...
Burada da onları çörək və ümiddən çox ölüm gözləyirdi. Ya qayıqlarını çevirib dənizin dibinə göndərir, ya sərhəddə gülləyə tutub öldürür, ən yaxşı halda itlərlə, tikanlı məftillərlə qarşılayır, dəmir qəfəslərdə saxlayırdılar.
Bütün bunlar dünən idi...
Bu gün isə hamı - bütün dövlətlər və insanlar bir düşmənə - koronavirusa qarşı döyüşə başlayıb!
Ulu Tanrı çox qısa müddətdə bütün cəbhələri bağlayıb bir cəbhə açdı! COVID-19 cəbhəsini!
Neftli əraziləri ələ keçirmək, oğurluq nefti gizli satmaq uğrunda bir-birinə düşmən kəsilənlərin, badalaq gələnlərin başını öz həyatlarını qorumaq hayına qatdı!
Həm də qırmızı qan axıdan qara neftin qiymətini o qədər aşağı saldı, üstəlik, istehsal prosesini məhdudlaşdırmaqla gərəksiz etdi ki, "neft döyüşü” maraqsız və gərəksiz oldu...
Pula getməyən mal kimə lazımdır?
Bəli, Allah bir daha dünyanın yadına saldı ki, həyatda ölüm də var və insanı elə bir gözləmədiyi vaxtda, elə şəkildə yaxalayır ki, "mık” da eliyə bilmir!
Odur ki, hamıya dinc və sakit yaşamaq, bir parça çörək qazanmaq imkanı vermək lazımdır!
Müharibə, qarşıdurma, zorakılıq insanlara və dövlətlərə xoşbəxtlik gətirmir!
Gətirsə də, müvəqqəti olar!
İnsanı yaşatmaq, dövlətlərarası əməkdaşlığı genişləndirmək, bir-birinə əl tutmaq daha doğru, ağıllı və Allaha xoş gedən yoldur!
***
Xalqımız müharibənin, ölüm-itimin, qaçqınçılığın nə olduğunu yaxşı bilir!
32 ildir ki, bu zilləti çəkirik!
20 min Vətən övladını şəhid vermişik!
Yenə də vaxtaşırı əsgər balalarımız şəhid gedir!
Amma bizim heç bir günahımız yoxdur, heç kimin torpağına göz dikməmişik, kimsənin sərvətini mənimsəmək istəmirik!
Özümüzünkü özümüzə bəsdir!
Yeganə arzumuz işğal altındakı torpaqları azad etmək, qaçqınları və məcburi köçkünləri doğma yurd-yuvalarına qaytarmaq, dağıdılan kənd və şəhərləri, qəsəbələri bərpa etməkdir!
Bu istək və mübarizədə Allahımıza və Ali Baş Komandanımıza güvənirik!
Allahdan rəhm və kömək diləyirik!
Prezidentimizə inanır və güvənirik!
Bilirik ki, bizi tək qoymayacaqlar!
***
Koronavirus bəlası başlayandan ilk həyəcan təbilini cənab İlham Əliyev çaldı!
Həmişəki kimi hamını qabaqladı!
Dünya hələ arxayın-arxayın Çinə baxanda, Uhanın çox uzaqda olduğunu, özlərinin isə təhlükəsiz yerdə yaşadığını güman edəndə Prezidentimiz ən zəruri addımları atdı, müvafiq qurumlar yaratdı, mövcud qurumları işlək, hazır vəziyyətə gətirdi, bütün imkan və qüvvələri səfərbər edən qərarlar verdi!
Hadisələri qabaqlamaq, ölkə vətəndaşlarının qorunmasını və müalicəsini təşkil etmək, xaricdə çarəsiz qalanları Vətənə gətirmək üçün təsirli tədbirlər gördü.
Hamını ayıltmağa, təhlükənin böyüklüyünü və qorxusunu anlatmağa nail oldu!
Vaxtında zəruri və qabaqlama tədbirləri görməyən İtaliya və İspaniyanın necə ağır vəziyyətə düşdüyünü, İranda epidemiyanın tüğyan edərək kütləvi qırğınlar və yoluxmalar törətdiyini ürək ağrısı ilə seyr edirik!
Həm də şükür edirik: nə yaxşı Prezidentimiz məsələnin üstünə tez düşdü, insanları, dövlət qurumlarını vaxtında ayağa qaldırdı, indiyədək rast gəlmədiyimiz bəlanın qorxulu olduğunu hamıya anlatdı, təhlükəyə soyuq, laqeyd, biganə yanaşmağa yol vermədi!
Hələ koronavirusa qarşı döyüş yeni başlayır!
Hələ qarşıdakı təhlükə ram edilməyib, zərərsizləşdirilməyib!
Hələ bizi çox çətinliklər və sınaqlar gözləyir!
Əsas odur ki, bu gün nə edəcəyimizi, özümüzü necə qoruyacağımızı bilirik!
Əsas odur ki, daha hansı çətinliklərlə rastlaşacağımızı, onları necə aradan qaldıracağımızı anlayır və ona hazırlaşırıq!
Əsas odur ki, xalqını və dövlətini sevən müdrik rəhbərimiz, uzaqgörən, çətin anlarda ən doğru və optimal qərarlar qəbul edən Prezidentimiz var!
Onun rəhbərliyi ilə vəziyyət nəzarətdə saxlanılır!
***
İlk günlərin çaşqınlığı və ajiotajı qısa müddətdə aradan qaldırıldı!
Arxayınçılığı, laqeydliyi, qorxunc virusa qarşı laqeyd münasibəti isə birgə səylə əsasən aradan qaldırmışıq!
Bu gün insanlar təhlükəni dərindən dərk ediblər!
Necə hərəkət etməyi öyrəniblər!
Bəladan necə qorunmağın yollarını artıq bilirlər!
Birinci növbədə özümüzü qorumalıyıq!
Koronavirusa yoluxmadan qorunmalıyıq!
Zəruri qaydaları (Nazirlər Kabineti yanında Operativ Qərargahın təsdiq etdiyi qaydaları və xüsusi karantinin tələblərini) gözləməsək, virusa yoluxma hər an mümkündür!
Özümüzü həm də öz ailəmiz üçün qorumalıyıq!
Çünki harada, necə yoluxsaq, evə gedirik, ilk növbədə, ailə üzvlərimizlə təmasa giririk!
Odur ki, özümüzü qorumaqla doğmalarımızı da qorumuş oluruq!
Virus 14-21 gün gizli dövrünü yaşayır və bu dövrdə başqalarına da asanlıqla keçir!
Həmin dövrdə doğmalarımızla - ata, ana, bacı, qardaş, oğul-qızla görüşürük!
Biz ən əziz insanları bu bəlaya düçar etməmək xatirinə özümüzü qorumalıyıq!
Daim əhatəmizdə yaxınlarımız, iş yoldaşlarımız olur!
Onları da və onların vasitəsilə həmin insanların ailələrini də yoluxdura bilərik!
Bizə yaxın və əziz olan insanları da qorumaq, başqalarına ağrı-acı yaşatmamaq üçün də özümüzü qorumalıyıq!
Vətəndaş məsuliyyətimizi dərk etməliyik!
İnsanlıq borcumuzu dərindən anlamalıyıq!
Azərbaycan vətəndaşlarını, Vətən övladlarını qorumalıyıq!
Vətənimizin gücünü, qüdrətini, qısa zamanda qazandığımız uğur və nailiyyətlərimizi də qorumalıyıq!
***
Dövlətimiz heç zaman bizi tək qoymur!
Dövlət başçısı xalqın rifahını yüksəltmək üçün daim təsirli addımlar atır, mühüm qərarlar qəbul edir və biz onun nəticəsini daim həyatımızda, məişətimizdə hiss edirik.
Bu gün də dövlətimiz və Prezidentimiz yanımızdadır!
Tibbi-təşkilati, sosial-iqtisadi, maddi-mənəvi cəhətdən hər gün yeni bir qərarın, addımın şahidi oluruq!
Bizim üzərimizə düşən hazırkı vəzifə isə məsuliyyətli davranmaq, deyilənlərə əməl etmək, qaydaları vicdanla, şüurlu şəkildə yerinə yetirməkdir!
Bu bəlaya yalnız birlikdə, birgə səylə qalib gəlmək mümkündür!
Dövlətimiz hər cür köməyi, yardımını edir!
Bu məsələdə biz ona dəstək verməsək, deyilənlərə əməl etməsək, tədbirlərin lazımi effekti olmaz!
Tək əldən səs çıxmaz - deyiblər!
Bu gün xalqla iqtidarın, vətəndaşla dövlətin birliyinə, əlbir fəaliyyətinə daha çox ehtiyac var!
Bir olaq, hər cür xəstəliyə və düşmənə birlikdə, birliyimizlə qalib gələk!
Bəxtiyar SADIQOV
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Bill Qeyts: Süni intellekt gələcəkdə asan tapşırıqları da yerinə yetirə bilməyəcək
29 Mart
İqlim dəyişikliyi saatların bir saniyə itirməsinə səbəb ola bilər
29 Mart
Azərbaycanın su qıtlığı probleminin həllində əldə edilən irəliləyişlər müzakirə edilib...
29 Mart
ABŞ husilərə aid daha dörd PUA-nın vurulduğunu bildirib
29 Mart
Türkiyədə FETÖ ilə əlaqədə şübhəli bilinən daha 70 nəfər saxlanılıb
29 Mart
Milli Məclis 21 məsələnin müzakirəsinə başlayıb
29 Mart
Ötən il Azərbaycan iqtisadiyyatına olan birbaşa xarici investisiyaların həcmi açıqlanıb
29 Mart
“Anev-2024 Türk dünyasının mədəniyyət paytaxtı” ilinin açılış mərasimi keçirilib
29 Mart
Ombudsman 31 Mart – Azərbaycanlıların Soyqırımı Günü ilə əlaqədar bəyanat yayıb
29 Mart
Xankəndidə silah-sursat aşkarlanıb
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!