02 Fevral 2021 16:08
969
Elm və texnika
A- A+

Yeni “Windows” sisteminin buraxılış tarixi açıqlanıb  

 

“Windows 10” əməliyyat sisteminin növbəti böyük yeniləməsi iyunda buraxılacaq.

AZƏRTAC “Windows Latest” nəşrinə istinadla xəbər verir ki, jurnalistlər tərəfindən əməliyyat sisteminin yeni versiyasının buraxılış tarixi “Chromium” layihəsinin saytında aşkarlanıb. “Microsoft” korporasiyasının məlumatına görə, əməliyyat sisteminin buraxılışı iyunda gözlənilir. Müəlliflərin sözlərinə görə, “Windows 10 21H1” yeniləməsində böyük yeniliklər olmayacaq və sistemin işinin keyfiyyətinin yaxşılaşdırılmasına və səhvlərin aradan qaldırılmasına həsr olunacaq.

Məlumata görə, açıqlanan sistem yeniləməsi tərtibatçılar üçün yeni əlavələrin proqramlaşdırma interfeysi (Application Programming Interface – API) ilə təchiz ediləcək. Bundan başqa, “Microsoft” proqramçıları “Kernel Transaction Manager” (KTM) tranzaksiya dispetçer nüvəsindəki təhlükəli boşluğu aradan qaldırmaq niyyətindədirlər. “Windows 10 21H1” yeniləməsi üzərində işə fevralda başlamaq nəzərdə tutulur. Tərtibatçılar isə əməliyyat sisteminin beta versiyasından mayda istifadə edə biləcəklər.

Jurnalistlər qeyd ediblər ki, ABŞ korporasiyası tərəfindən əməliyyat sistemi üçün böyük yeniləmə adətən yazın sonunda təqdim olunur. Məsələn, “Windows 10” sisteminin 1903 və 2004 versiyaları mayın sonuncu həftəsində buraxılıb.

Bir müddət əvvəl məlum olub ki, “Microsoft” tərəfindən mart-iyunda “Windows 10X” – əməliyyat sisteminin zəif məhsuldarlığa malik kompüterlər üçün xüsusi versiyası buraxılacaq. Gələcəkdə iki ekranlı qurğular üçün xüsusi “10X” versiyasının təqdim olunması planlaşdırılır.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video