30 Mart 2017 12:03
780
Oxucu məktubları
A- A+

Yeni ATS xərclərimizi xeyli azaldacaq

 

Şəmkirin ən böyük kəndlərindən biri də Düyərlidir. Son illər kəndin infrastrukturu, demək olar, tamamilə yenilənib. Su, elektrik enerjisi, eləcə də mavi yanacaqla fasiləsiz təmin olunuruq. Kəndimizə rahat yol da çəkilib. 

Ancaq bir problemimiz var:  o da kəndin yeni salınmış yaşayış massivində rabitə xəttinin olmamasıdır.  Müasir həyatı telefonsuz-rabitəsiz, xüsusilə internetsiz təsəvvür etmək çətindir.  İnternet həm geniş informasiya mənbəyi, həm də ucuz audio-vizual rabitə vasitəsidir.  Bu səbəbdən kənd əhalisinin respublikanın digər şəhər və rayonlarında,  həmçinin başqa ölkələrdə yaşayan qohum-əqrəbaları, dost-tanışları ilə ünsiyyət  qurmaları, əlaqə saxlamaları üçün  internet rabitə  vacibdir. Keyfiyyətli və sürətli internet üçünsə müasir telefon sistemi, elektron avadanlıq şərtdir.

Sevindirici haldır ki,  bu  problem də yaxın zamanda həll olunacaq: artıq yeni yaşayış massivində əhalinin stasionar telefondan və zolaqlı internetdən istifadəsi üçün 100 nömrə tutumlu elektron ATS quraşdırılır.  Deməli, tezliklə  rabitə xərclərimiz xeyli azalacaq, kommunukasiya imkanlarımız isə artacaq.

 

Hüseyn İMANOV,

Şəmkirin Düyərli kənd sakini

 

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video