28 Iyul 2020 22:31
1304
Səhiyyə
A- A+

Yayda hipertoniya xəstələrinin qidalanma rejimi


Yay aylarında orqanizmdə maye itkisi çox oluduğundan qan qatılaşması baş verir və bunun nəticəsində bir sıra xəstəliklər yaranır. Qida rejiminə düzgün əməl edilməməsi ürək-damar xəstəlikləri riskini artırır, infarkt üçün şərait yaranır. Ona görə də arterial təzyiqi yüksək olanlar yay aylarında qida rejiminə ciddi fikir verməlidirlər.

Hipertoniya xəstəliyindən əziyyət çəkənlər xəstəliyin riskini azaltmaq və qan dövranını yaxşılaşdırmaq məqsədilə təmiz su, daha doğrusu, qazsız və şəkərsiz maye qəbul etməlidirlər. Bundan başqa vitaminlərlə zəngin meyvələrə üstünlük verilməli, tərəvəzlərdən hazırlanmış yeməklər gündəlik qida rasionunun əsas tərkib hissəsi olmalıdır.

Paytaxtdakı 22 nömrəli Birləşmiş Xəstəxananın həkim-kardioloqu Nüşabə Səfərova AZƏRTAC-a deyib: "Hipertoniya xəstələri şəkərdən və duzdan mümkün qədər az istifadə etməlidir. Gün ərzində 5 qramdan artıq duz qəbul edilməməlidir. Yağlı qidalar qanın qatılaşmağına səbəb olduğuna görə bunu da mütləq nəzərə almaq lazımdır. Qatılaşma itirilən mayenin hesabına görə baş verdiyindən yağlı qidaların qəbulu minimuma endirilməlidir”.

Arterial təzyiqin yüksək olmasından əziyyət çəkənlər daha çox yaşlılar və çəkisi yüksək olanlardır. Həkim-kardioloqun dediyinə görə, uzun müddət ac qalandan sonra orqanizmin birdən-birə qida ilə yüklənməsi yolverilməzdir, çünki artıq miqdarda qida qəbulundan sonra qanın damarlarda hərəkəti ağırlaşır: "Təbii və təzə ərzaq məhsullarından hazırlanmış qidalardan istifadə etmək məsləhətdir. Sobada bişirilmiş yağsız ət məhsulları rasionda üstünlük təşkil etməlidir, çünki bu halda piy əriyərək ətdən ayrılır. Tərkibində şəkərin miqdarı çox olan qidaları rasiondan çıxardaraq xurma, kişmiş və digər şirin meyvələr qəbul etmək daha yaxşı olar. Çoxlu meyvə-tərəvəz qəbulu da əsas məsələdir. Qışda qəbul edilməyən qidalar yayda orqanizmdə depo kimi toplanılmalıdır”.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video