23 Iyul 2021 22:46
934
İDMAN
A- A+

Yaponiya İmperatoru Naruhito XXXII Yay Olimpiya Oyunlarını açıq elan edib

 

Bu gün Tokio Milli Olimpiya Stadionunda Yay Olimpiya Oyunlarının möhtəşəm açılış mərasimi keçirilib.

AZƏRTAC-ın xüsusi müxbiri xəbər verir ki, Yaponiya İmperatoru Naruhito XXXII Yay Olimpiya Oyunlarını açıq elan edib.

Sonra idmançıların, hakimlərin və məşqçilərin adından Olimpiya andı içilib. Olimpiya bayrağı Milli Olimpiya Stadionuna gətirilib və Olimpiya himni səsləndirilib.

Açılış mərasimi məşhur yapon tennisçi, “Böyük dəbilqə” turnirinin dördqat qalibi Naomi Osakanın Yay Olimpiya Oyunlarının məşəlini alovlandırması ilə başa çatıb.

Qeyd edək ki, mərasimin gedişində Tokio Olimpiya Oyunlarının təşkilat komitəsinin sədri Haşimoto Seyko çıxış edərək bütün çətinliklərə baxmayaraq, XXXII Olimpiadanın ölkəsində keçirilməsindən qürur duyduğunu deyib. O, müxtəlif ölkələrdən olan atletlərin idman və sülh üçün bir araya gəldiyini bildirərək Tokionun bu prosesə mühüm töhfə verməsindən məmnunluğunu bildirib.

Beynəlxalq Olimpiya Komitəsinin prezidenti Tomas Bax isə çıxışında koronavirus pandemiyasının davam etdiyi bu çətin günlərdə Yaponiyanın mötəbər idman tədbirini yüksək səviyyədə keçirmək üçün ciddi hazırlaşdığını vurğulayıb, göstərilən əzmkarlığa görə yapon xalqına minnətdarlığını ifadə edib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video