Ekologiya və Təbii Sərvətlər Nazirliyinin Milli Hidrometeorologiya Departamentindən AzərTAc-a verilən məlumata görə, yanvar ayında havanın orta aylıq temperaturunun iqlim normasına yaxın və bir qədər aşağı olacağı gözlənilir.

Aylıq yağıntının miqdarı iqlim normasına yaxın, bəzi ərazilərdə isə bir qədər çox olacağı gözlənilir.

Birinci ongünlükdə havanın temperaturunun iqlim normasına yaxın, ikinci və üçüncü ongünlüyün bəzi günlərində isə temperaturun normadan bir qədər aşağı olacağı gözlənilir.

Bakıda və Abşeron yarımadasında orta aylıq temperaturun müsbət 2-5 dərəcə olacağı gözlənilir ki, bu da iqlim normasına yaxın və bir qədər aşağıdır. Havanın temperaturu gecələr müsbət 1-3 dərəcə, ayrı-ayrı günlərdə 2-7 dərəcə şaxta, gündüzlər müsbət 5-10 dərəcə, birinci ongünlüyün birinci yarısında müsbət 12 dərəcəyədək bəzi günlərdə isə 2 dərəcə şaxtadan müsbət 3 dərəcəyədək  olacaqdır. Aylıq yağıntı miqdarının iqlim normasına yaxın (norma 18-28 millimetr) bəzi yerlərdə isə normadan bir qədər çox olacağı gözlənilir.

Naxçıvan Muxtar Respublikasında orta aylıq temperaturun müsbət 2-6 dərəcə şaxta olacağı gözlənilir ki, bu da iqlim normasına yaxın və bir qədər aşağıdır. Gecələr havanın temperaturu  8-13  dərəcə şaxta, ayrı-ayrı günlərdə 20-25 dərəcə şaxta, gündüzlər 3 dərəcə şaxtadan müsbət 2 dərəcəyədək isti bəzi günlərdə 5-10 dərəcə şaxta olacaqdır. Aylıq yağıntı miqdarının iqlim normasına yaxın (norma 14-25 millimetr) olacağı gözlənilir.

Yuxarı Qarabağ: Xankəndi, Şuşa, Xocalı, Xocavənd, Qubadlı, Zəngilan, Laçın, Kəlbəcər, Daşkəsən-Gədəbəy zonalarında orta aylıq temperaturun 1-4 dərəcə şaxta olacağı gözlənilir ki, iqlim normasına yaxın və bir qədər aşağıdır. Havanın temperaturu gecələr 3-8 dərəcə şaxta, bəzi günlərdə 15-20 dərəcə şaxta təşkil edəcəkdir. Gündüzlər 2 dərəcə şaxtadan 3 dərəcəyədək isti, bəzi günlərdə 5-8 dərəcə şaxta olacaqdır. Aylıq yağıntı miqdarı iqlim normasına yaxın, (norma 16-24 millimetr) bəzi yerlərdə normadan bir qədər çox olacaqdır.

Qazax-Gəncə, Goranboy, Tərtər, Ağdam-Ağcabədi-Füzuli-Cəbrayılda aylıq temperaturun 2 dərəcə şaxtadan müsbət 3 dərəcəyədək olacağı gözlənilir ki, bu da  iqlim normasına yaxın və bir qədər aşağıdır. Havanın gecələr 2-4 dərəcə şaxta, bəzi günlərdə 8-13 dərəcə şaxta olacağı gözlənilir. Gündüzlər müsbət 2-7  dərəcə, bəzi günlərdə 3-7 dərəcə şaxta olacaqdır. Aylıq yağıntı miqdarının iqlim normasına yaxın (norma 10-32 millimetr) bəzi yerlərdə isə bir qədər çox olacağı gözlənilir.

Balakən-Zaqatala-Qax-Şəki-Oğuz-Qəbələ, İsmayıllı- Şamaxı-Xızı, Siyəzən, Şabran, Quba-Qusar-Xaçmaz zonalarında orta aylıq temperaturun 0-4 dərəcə şaxta olacağı gözlənilir ki, bu da iqlim normasına yaxın və bir qədər aşağıdır. Havanın temperaturunun gecələr 2-7 dərəcə şaxta, bəzi günlərdə 15-20 dərəcə şaxta olacağı gözlənilir. Gündüzlər müsbət 1-6 dərəcə, bəzi günlərdə 3-8 dərəcə şaxta olacaqdır. Aylıq yağıntı miqdarının iqlim normasına yaxın (norma 22-49 millimetr), bəzi yerlərdə isə bir qədər çox olacağı gözlənilir.

Mərkəzi-Aran: Ağdaş, Mingəçevir, Yevlax, Kürdəmir, İmişli, Beyləqan, Sabirabad, Biləsuvar, Saatlı, Şirvan, Hacıqabul, Salyan, Neftçala rayonlarında temperaturun 1 dərəcə şaxtadan 4 dərəcəyədək isti  olacağı gözlənilir bu da iqlim normasına yaxın və bir qədər aşağıdır. Gecələr havanın 3 dərəcə şaxtadan müsbət 2 dərəcəyədək, bəzi  günlərdə 5-10  dərəcə şaxta olacağı gözlənilir. Gündüzlər  müsbət 6-11 dərəcə, bəzi günlərdə 0-4 dərəcə şaxta olacaqdır. Aylıq yağıntı miqdarının iqlim normasına yaxın (norma 17-30 millimetr) bəzi yerlərdə isə bir qədər çox olacağı gözlənilir.

Masallı-Lənkəran-Astara, Lerik-Yardımlı zonasında temperaturun müsbət  0-2  dərəcə olacağı gözlənilir ki, bu da iqlim normasına yaxın və bir qədər aşağıdır. Havanın gecələr 4 dərəcə şaxtadan müsbət 1 dərəcəyədək, bəzi günlərdə 6-9 dərəcə şaxta  gündüzlər müsbət 5-10 dərəcə, bəzi günlərdə 0-4 dərəcə şaxta olacağı gözlənilir. Aylıq yağıntı miqdarının iqlim normasına yaxın  (norma 63-98 millimetr) bəzi yerlərdə bir qədər çox olacağı ehtimal vardır.

AzərTAc