Xəzərin sahilində ekoloji tədbir keçirilmişdir
Sumqayıt Rəsm Qalereyasına toplaşan "Azərikimya" İstehsalat Birliyinin kollektivi ARDNŞ-in Ekologiya İdarəsinin, "Qızıl Aypara" Cəmiyyətinin, Sumqayıt Şəhər Təşkilatının, Təhsil İdarəsinin, məktəblərin və kütləvi informasiya vasitələri nümayəndələrinin iştirakı ilə "Planetimizi tullantılardan təmizləyək! Sumqayıtı ekoloji təmiz şəhərə çevirək!" devizi altında ekoloji aksiya keçirmişdir.
Əvvəl tədbir iştirakçıları qalereyada məktəblilərin dəniz və ekologiya mövzusunda rəsm əsərlərindən və əl işlərindən ibarət sərgi ilə tanış olmuşlar. Sonra mərasim iştirakçılarına Beynəlxalq Dəniz Gününün tarixi əhəmiyyəti, mövcud ekoloji problemlər, onların aradan qaldırılması yolları, dənizin ekoloji mühitinin qorunması, Xəzərin hazırkı problemləri, dənizin müxtəlif tullantılarla çirklənməsi və onların qarşısının alınması yolları haqqında geniş məlumat verildi. Qeyd olundu ki, son zamanlar "Azərikimya" İB-nin təşkilatçılığı ilə Sumqayıtda atmosferin və dənizin təmizliyinin qorunması məqsədilə bir sıra mühüm ekoloji tədbirlər və layihələr həyata keçirilmiş, şəhərin tullantılarla və zərərli qazlarla çirklənməsinin qarşısı əhəmiyyətli dərəcədə alınmışdır.
Tədbir şagirdlərin ekoloji problemlərə aid məruzələri ilə davam etdi. "Azərikimya" İstehsalat Birliyinin və "Təfəkkür" liseyinin Sumqayıt məktəblilərinə birgə müraciəti səsləndirildi.
Tədbirdə kimyaçıların təşəbbüsü ilə azyaşlı uşaqlardan ibarət yaradılmış, bir yaşı tamam olan "Balaca ekoloqlar" qrupunun fəal üzvlərinə hədiyyələr təqdim edildi.
Ekoloji maarifləndirmə məqsədi daşıyan tədbirin rəsmi hissəsindən sonra gənc ekoloqlar qruplara bölünərək Xəzərin Sumqayıt şəhəri sahili boyu zolağını tullantılardan təmizlədilər.
Akif ƏLİYEV,
"Azərbaycan"
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Gözəlliyi rənglərə köçürən rəssam
25 Aprel
Şuşa xanəndəlik məktəbinin nümayəndələrindən biri - Seyid Şuşinski
25 Aprel
Mədəniyyət beşiyi
25 Aprel
COP29 Azərbaycan üçün böyük fürsətdir
25 Aprel
COP29 ərəfəsində "yaşıl külək"
25 Aprel
"Türkiyə-Azərbaycan birliyi regional təhlükəsizliyin və sabitliyin mühüm meyarıdır"
25 Aprel
Azərbaycan-Çin əlaqələri dostluğa və qarşılıqlı maraqlara söykənir
25 Aprel
Sahibkarlar iqtisadi inkişafın aparıcı qüvvəsidir
25 Aprel
"Delimitasiya Hayastanın xilası olacaq"
25 Aprel
Sahibkarlığın bugünkü inkişafı düşünülmüş dövlət siyasətinin nəticəsidir
25 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!