Virusa qalib gəlmək üçün ondan güclü olmalıyıq
Dünyanı çənginə alan ölümcül virus hələ də davam etməkdədir. Müxtəlif ölkələrdə virusa yoluxma və ölüm halları statistikası fərqli rəqəmlərlə müşahidə olunur. Dünya səhiyyəsinin virusla mübarizəsi yoluxma faizinin artması, yeni dalğaların olması fonunda hələ ki zəif görünür.
COVID-19 infeksiyası 2019-cu ilin dekabr ayının ortalarında, Çinin mərkəzi əyalətinin Uhan şəhərində yerli sakinlərdə naməlum mənşəli pnevmoniyanın ilk aşkar olunması ilə başladı. Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib. O vaxtdan bu günə qədər dünyaya yayılan bu xəstəlik səngimək bilmir.
Yeni məlumatlara görə, Cənubi Amerikada virusun yeni, dördüncü dalğası başlayıb. Hələ də yoluxma sayına görə dünyada birinci yeri ABŞ tutur. İkinci yerdə Hindistan, üçüncü yerdə Britaniya qərarlaşıb.
Azərbaycanda ilk koronavirus (COVID-19) infeksiyasına yoluxma faktı 28 fevral 2020-ci ildə qeydə alınıb. Koronavirus infeksiyasının ölkədə yayılmasının qarşısını almaq məqsədilə xüsusi karantin rejimi tətbiq edilib ki, müddəti sonuncu dəfə 1 sentyabr 2021-ci il tarixinədək uzadılıb.
Peyvənd olunmaq vacibdir
Azərbaycanda Səhiyyə Nazirliyinin verdiyi məlumata görə, üçüncü dalğa başlayıb. Bu dalğa əsasən “Delta” ştammı ilə fəaliyyətdədir. Yeni növ koronavirus infeksiyasının “Delta” ştamının əsas əlamətləri mədə-bağırsaq pozuntusu (ögümə, qusma, diarreya), yüksək hərarət və nevroloji narahatlıqlardır. Bu ştamla xəstələnən zaman ağciyər zədələnmələrinə rast gəlinsə də, əsas simptomlardan deyil.
Mədə-bağırsaq pozuntusu və yaxud da nevroloji narahatlıqlar ölümcül olmur. Bunları tibb elmləri doktoru, professor Əlizamin Sadiqov koronavirusun “delta” ştammı və onun əsas əlamətləri ilə bağlı məlumat verərək deyib.
Həkim-pulmonoloq bildirib ki, virus sərhəd tanımır: “Bütün orqanları həm ayrı-ayrılıqda, həm də eyni vaxtda zədələyə bilər. Odur ki, sosial məsafə qorunmalı, dezinfeksiya məhlullarından və tibbi maskadan istifadəyə riayət edilməlidir. Ən əsası isə vaksinasiyadan keçmək vacibdir”.
“Delta” variantı sürətli yayılma xüsusiyyətinə malik olsa da, daha ölümcül deyil. Bu bəzi həkimlərin fikridir. Panikaya düşmədən qoyulan bütün qaydalara əməl edilərsə, koronavirusla mübarizədə qalib gəlmək mümkündür. Həmçinin nəzərə almaq lazımdır ki, Azərbaycanda peyvənd olunanların sayı hər gün artır. Yəni vətəndaşların bəzilərində koronavirusa qarşı immunitet formalaşıb. Belə olan halda, vətəndaşların əksəriyyəti “delta” ştammı ilə ya yoluxmayacaqlar, ya da xəstəliyi yüngül keçirəcəklər. Həkim onu da bildirir ki, COVID-19 virusunun yeni ştamlarının yaranması təbii prosesdir. Ona görə də vətəndaşların stres keçirmələrinə ehtiyac yoxdur. Yeganə və ən effektiv çıxış yolu peyvənd olunmaq, qaydalara əməl etməkdir.
Mutasiya davam edir
Hazırkı dövrədək ölkəmizdə vurulan peyvənd dozalarının ümumi sayı 6 milyondan çoxdur. Birinci mərhələ üzrə vaksin vurduranların sayı 3 milyondan, ikinci mərhələ üzrə peyvənd olunanların sayı 2 milyondan çoxdur.
Alimlər hesab edirlər ki, istər yoluxma, istərsə də vaksinlərin köməyi ilə immuniteti olan şəxslər virusu yüngül keçirmək şansına malikdirlər. Ancaq bu qətiyyən arxayınlıq yaratmamalıdır. Mutasiya prosesi hələ də davam edir. Hazırda Cənubi Amerikada “lambda” ştammı yayılıb. Düzdür, bu ştamm “delta” qədər yoluxucu deyil. “Delta” uşaqlarda da çox ciddi əlamətlər yaradır.
COVID-19 ilk yarananda uşaqlar bu xəstəliyi subklinik (əlamətsiz) formada keçirirdi, hazırda isə bu ştamm uşaqlarda özünü çox ciddi simptomlar və mədə-bağırsaq pozuntuları yaratmaqla büruzə verir. Odur ki, pandemiyanın xilas olmaq yolları haqda düşünməliyik. Ümumdünya Səhiyyə Təşkilatı pandemiyanın bitdiyini rəsmi şəkildə bildirənədək qapalı şəraitdə karantin qaydalarını gözləmək məsləhətdir.
Taleyimizi səhiyyənin, peyvəndin ixtiyarına buraxmaqla həm də qoyulan qaydalara, təmizliyə riayət etmək vacibdir. Bu virusla hələ ki bərabər yaşamalıyıq. Onu dəf etmək üçün ondan güclü olmaq lazımdır. Ondan güclü olmaq üçün isə peyvəndlənib, özümüzü və yaxınlarımızı xilas edə bilərik.
Ramilə QURBANLI,
“Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Hikmət Hacıyev: COP29 Azərbaycanın qətiyyətini, diplomatik və siyasi cəsarətini nümayiş etdirir...
28 Mart
Netanyahu HƏMAS-ın “strateji aktivlərinə” həbs qoyulduğunu açıqlayıb
28 Mart
Rusiya XİN başçısı: Məhz KTMT İrəvanın maraqlarını çətin vəziyyətlərdə müdafiə edib...
28 Mart
ABŞ Konqresi Pentaqonun Afrikadakı dövlət çevrilişlərinə görə hesabat tələb edib
28 Mart
Azərbaycan boksçuları Bakıdakı beynəlxalq turnirdə 21 medal qazanıb
28 Mart
Lavrov: Ermənistan uydurma bəhanələrlə Rusiya ilə münasibətlərin pozulmasına çalışır
28 Mart
FTX terror aktının təşkilində şübhəli bilinən ukraynalını saxlayıb
28 Mart
BMT “İl-76” təyyarəsinin qəzaya uğraması ilə bağlı hesabat dərc edib
28 Mart
ABŞ Konqresinin nümayəndə heyəti Ankarada “F-16” tədarükü mövzusunu müzakirə edəcək
28 Mart
Gürcüstanın Baş naziri ölkə müsəlmanları üçün iftar süfrəsi təşkil edib
28 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!