Vətən müharibəsi bəzi beynəlxalq təşkilatların münaqişəni dondurmaq səylərini fiaskoya uğratdı
44 günlük Vətən müharibəsi zamanı qazanılan möhtəşəm qələbə xalqımızın ruhunun ifadəsi idi.
Biz, keçmiş məcburi köçkünlər, bu günü 30 il idi gözləyirdik. Torpaqlarımızın düşməndən azad ediləcəyinə zərrə qədər də şübhəmiz olmayıb. Bizdə bu inamı qoruyub saxlayan dövlətimizin ildən-ilə qüdrətlənməsi, dövlət başçısı cənab İlham Əliyevin dəmir iradəsi idi.
Dövlət başçısı həmişə bəyan edirdi ki, münaqişə hərtərəfli həll olunmalıdır. Münaqişə yarımçıq həll oluna bilməz. Münaqişənin həlli ilə məşğul olan beynəlxalq təşkilatların isə istəyi bu idi ki, status-kvo əbədi olaraq qorunub saxlanılsın. Mən uzun illər çalışdığım diplomatik işlərdə, sonradan icma rəhbəri kimi keçirdyim bütün görüşlərdə bunu aydın görürdüm.
Ermənistan-Azərbaycan münaqişəsinin nizamlanması üçün ATƏT-in Minsk Qrupu 29 il ərzində məsələnin həllinə yox, dondurulmasına çalışdı. İllər ərzində aparılan danışıqlar nəticəsiz qaldı. Həm işğalçıya, həm də işğala məruz qalan tərəfə eyni münasibət bəslənilməsi, beynəlxalq qətnamələrin icra olunmaması bu təşkilatların məsələlərə ikili standartlardan yanaşmasından xəbər verirdi. Azərbaycan isə əksinə, həmişə məsuliyyətli ölkə olaraq daim beynəlxalq hüquqa sadiqliyini nümayiş etdirdi və münaqişənin danışıqlar vasitəsilə həllinə çalışdı. Bütün bu illər ərzində BMT də işğalçı Ermənistana təzyiq göstərməkdə acizlik nümayiş etdirdi. BMT Təhlükəsizlik Şurasının Ermənistan silahlı qüvvələrinin işğal olunmuş Azərbaycan ərazilərindən dərhal çıxarılmasını tələb edən 4 qətnaməsi 27 il kağız üzərində qaldı. Lakin Azərbaycan Prezidenti İlham Əliyev hakimiyyəti dövründə daim xalqımızın maraqlarından çıxış edərək bir addım belə geri çəkilmədi. 44 günlük Vətən müharibəsində qazanılan qələbə beynəlxalq təşkilatların münaqişəni dondurulmuş vəziyyətdə saxlamaq səylərini fiaskoya uğratdı.
Hesab edirik ki, beynəlxalq ictimaiyyət həlli uzanan münaqişələrdən nəticə çıxarmalıdır. Ədalət öz yerini tapmayanda silahlar işə düşür.
Münaqişənin həlli ilə bağlı Azərbaycan cəmiyyətində həmişə bir fikir hakim olub: düşmən torpaqlarımızdan çıxarılmalıdır. Artıq münaqişə həll olunub. Azərbaycan Ordusunun qəhrəmanlığı, Azərbaycanın dövlət başçısının dəmir iradəsi, dəmir yumruğu ilə. Biz təkcə müharibəni udmamışıq, həm də Ermənistan ordusunun 80 faizini məhv etmişik. Biz torpaqlarımızı düşmənlərdən azad etmişik. Bu qələbə həm də 200 il ərzində silsilə şəklində ərazilərimizin itirilməsinə bir son deməkdir.
Ordumuzun müasir texnika ilə təchizatı, müntəzəm olaraq keçirilmiş təlimlər, döyüş potensialının gücləndirilməsi, hərbi sənayenin yaradılması və idxaldan müəyyən dərəcədə asılılığın azaldılması - bütün bunlar məqsədyönlü şəkildə aparılan siyasətin tərkib hissəsidir. Məhz bu effektiv hərbi strategiya və ordumuzun gücü düşməni kapitulyasiya aktına imza atmağa məcbur etdi. Vətən müharibəsi nəticəsində Ermənistanın işğalçılıq siyasətinə son qoyuldu. Qəhrəman hərbçilərimizin şücaəti, rəşadəti hesabına, şəhidlərimizin qanı-canı bahasına bütün dünya Azərbaycanın şanlı qələbəsinin şahidi oldu. Müxtəlif dairələrdən olan müntəzəm təzyiq və təhdidlərə rəğmən Azərbaycan öz haqq savaşında Zəfər çaldı. Bu Zəfər sayəsində guya “Ermənistanın güclü ordusu var”, “erməni xalqı döyüşkən xalqdır”, “Azərbaycan xalqı döyüşə bilmir” kimi miflərə birdəfəlik son qoyuldu.
Azərbaycan Respublikasının suverenliyi və ərazi bütövlüyü uğrunda gedən mübarizədə qəhrəmanlıq göstərən əsgər və zabitlərimiz, arxa cəbhədə çalışan mülki şəxslər, bütövlükdə xalqımız əzm və iradə, bir yumruq kimi birlik və həmrəylik nümayiş etdirərək düşmənə sarsıdıcı zərbələr endirdi. Hər zaman xalqın dəstəyinə arxalanan İlham Əliyev hərbi sahədə olduğu kimi, diplomatik və informasiya savaşında da misilsiz rəşadət göstərdi.
Azərbaycana qarşı informasiya blokadasının yarılmasında cənab Prezidentin misilsiz xidməti var. Həm müharibənin gedişi, həm də müharibədən sonra onlarca aparıcı xarici KİV-ə müsahibələr verməklə cənab Prezident informasiya cəbhəsində istiqamətləri dəyişdi. Bu müsahibələrin hər biri Azərbaycanın diplomatik uğurudur.
Tural GƏNCƏLİYEV,
Milli Məclisin deputatı
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Media: İsrail və HƏMAS Doha danışıqlarında kompromisə hazırdır
19 Mart
Türkiyənin yeni milli müdafiə sistemi ictimaiyyətə təqdim edilib
19 Mart
ADA Universiteti Fondunun sponsorluq layihələri üzrə direktoru: Gender arası əməkdaşlıq inkişafın gö...
19 Mart
Blinken Qəzzada atəşkəsi müzakirə etmək üçün Ər-Riyada və Qahirəyə gedəcək
19 Mart
“SpaceX” qlobal internet şəbəkəsinə aid daha 22 peyki orbitə çıxarıb
19 Mart
Qazaxıstan Xəzər dənizində hərbi təlimlər keçirib
19 Mart
Ədliyyə naziri Saatlıda vətəndaşları qəbul edib
19 Mart
Hərbi Prokurorluq işçiləri Müdafiə Nazirliyinin yüksəkrütbəli vəzifəli şəxsləri ilə birgə Novruz bay...
19 Mart
Türkiyədə fəlakət zonasındakı sakinlər hər ay 15 min evlə təmin ediləcək
19 Mart
Ölkənin əksər bölgələrinə yağış, dağlıq rayonlara qar yağıb
19 Mart
DİQQƏT ÇƏKƏNLƏR
Dostluqdan müttəfiqliyə14 Mart 2024
Azərbaycan islamofobiya ilə mübarizədə öndə gedir12 Mart 2024
Prezident İlham Əliyev və Prezident Kasım-Jomart Tokayev mətbuata bəyanatlarla çıxış ediblər YENİLƏN...11 Mart 2024
Mərhəmətin zərif rəmzi08 Mart 2024
Yüksək beynəlxalq etimadın növbəti nümunəsi07 Mart 2024
ÇOX OXUNANLAR
Hücum diplomatiyasından hücum taktikasına14 Mart 2024
Azərbaycan və Qazaxıstan enerji sahəsində də birgə addımlayır13 Mart 2024
Kasım-Jomart Tokayev: Qazaxıstan və Azərbaycan əməkdaşlığın yeni dövrünə qədəm qoyur10 Mart 2024
Azərbaycan beynəlxalq "yaşıl enerji" mərkəzinə çevrilir10 Mart 2024
Xoşbəxt qadın güclü cəmiyyətin təməlidir08 Mart 2024
Albaniya Azərbaycanın dəstəyini yüksək dəyərləndirir06 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!