16:10 23 Oktyabr 2021
ONLINE XƏBƏR LENTİ
01:45 23.10.2021 Azad yurdum
01:15 23.10.2021 “Korona”, yoxsa qrip?
01:11 23.10.2021 50-Cİ QƏLƏBƏ
00:57 23.10.2021 Söz var ki...
00:41 23.10.2021 2500 yaşlı xalça
00:36 23.10.2021 Bilərzik-smartfon
Tarix Muzeyi: Azərbaycanda neft sənayesi fotolarda
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

“Üzeyir Hacıbəyliyə ithaf” beynəlxalq müsabiqəsinin yekun konserti olub
ANA SƏHİFƏ / MƏDƏNIYYƏT
12:35 24.09.2021

 

Sentyabrın 23-də Beynəlxalq Muğam Mərkəzində ABŞ-da keçirilən “Üzeyir Hacıbəyliyə ithaf” beynəlxalq müsabiqəsinin yekun konserti keçirilib.

AZƏRTAC xəbər verir ki, konsert Üzeyir Hacıbəyli XIII Beynəlxalq Musiqi Festivalı çərçivəsində təqdim olunub.

Gecədə çıxış edən Milli Musiqi və Qlobal Mədəniyyət Cəmiyyətinin prezidenti, Azərbaycanın Əməkdar artisti, professor Nərgiz Əliyarova tədbirin əhəmiyyətindən danışaraq bildirib ki, müsabiqə Milli Musiqi və Qlobal Cəmiyyəti ilə Azərbaycan-Amerika Musiqi Fondunun birgə təşkilatçılığı ilə baş tutur. Müsabiqənin məqsədinin dahi bəstəkarın əsərlərini plagiatçılıqdan qorumaq, dünyada Ü.Hacıbəyli musiqisini və Azərbaycan mədəniyyətini təbliğ etmək olduğunu vurğulayan Nərgiz Əliyarova deyib: “Əsas məqsədimiz milli musiqimizi xaricdə təmsil etməkdir. Azərbaycan musiqiləri, dahi bəstəkarlarımızın əsərləri zaman-zaman mənfur qonşularımız ermənilər tərəfindən oğurlanmaqdadır. Layihənin ortaya çıxması da, bununla bağlı oldu. Bu işdə bizə köməklik edən Diasporla İş üzrə Dövlət Komitəsinə minnətdarlığımızı bildirirəm”.

Müsabiqənin münsiflər heyətinin sədri, Xalq artisti Firəngiz Əlizadə Üzeyir Hacıbəyli XIII Beynəlxalq Musiqi Festivalının qələbədən sonra bu il fərqli qeyd edilməsindən söz açıb. Qeyd edib ki, müsabiqədəki əsərləri böyük bir sevgi ilə hazırlayıb. O, müsabiqəyə dünyanın müxtəlif ölkəsindən 51 bəstəkarın qatıldığını söyləyib.

Diasporla İş üzrə Dövlət Komitəsinin sədri Fuad Muradov komitə adından təşkilatçılara təşəkkürünü bildirib. Vurğulayıb ki, Prezidentin tapşırığı ilə xaricdə yaşayan soydaşlarımıza dəstək göstərilir.

Sonra müsabiqədə qalib gələn bəstəkarlar mükafatlandırılıb.

Tədbir konsert proqramı ilə davam edib. Musiqili gecədə Azərbaycan Dövlət Simli Kvarteti, Azərbaycan Dövlət Fortepiano Triosu, “cadeNZa” ansamblı, Nərgiz Əliyarova (piano), Gülnaz İsmayılovanın (vokal) ifasında Üzeyir Hacıbəylinin və müsabiqə qaliblərinin əsərləri səslənib.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM