19:13 27 Noyabr 2021
ONLINE XƏBƏR LENTİ
Qusarın payız etüdləri FOTOLENT
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Ucarın Alpout kəndində şəhid kəşfiyyatçının xatirəsi anılıb
ANA SƏHİFƏ / CƏMİYYƏT
16:19 25.10.2021

 

Ucar rayonunun Alpout kəndində Vətən müharibəsinin şəhidi, Xüsusi Təyinatlı Qüvvələrin giziri, kəşfiyyatçı Kərim Məhəmmədəli oğlu Əliyevin şəhadətə ucalmasının ildönümü ilə əlaqədar anım mərasimi olub. Mərasim rayon rəhbərliyinin, şəhid ailələrinin, kənd sakinlərinin iştirakı ilə şəhidin məzarı yanında keçirilib.

AZƏRTAC-ın bölgə müxbiri xəbər verir ki, mərasim iştirakçıları igid Vətən oğlunun məzarı üstünə çiçəklər düzüb, xatirəsini ehtiramla yad edib, ruhuna dualar oxuyublar.

Çıxışlarda cəmi 23 il ömür sürən və həyatını torpaqlarımızın işğaldan azad edilməsi uğrunda döyüşlərdə qurban verən Kərimlə bağlı xatirələr söylənilib, onun vətənsevər, cəsarətli bir gənc olduğu vurğulanıb. Prezident, Ali Baş Komandan İlham Əliyevin rəhbərliyi ilə 44 gündə işğalçı erməni silahlı qüvvələrinin diz çökdürülərək məğlub edildiyi, tarixi torpaqlarımızın geri qaytarıldığı diqqətə çatdırılıb, Kərim və onun kimi şəhidlərimizin qanının yerdə qalmadığı bildirilib.

Mərasimdə məktəblilərin ifasında Vətənə, şəhidlərimizə həsr olunan şeirlər səsləndirilib, ədəbi-bədii kompozisiya nümayiş etdirilib.

Qeyd edək ki, şəhid Kərim Məhəmmədəli oğlu Əliyev 1998-ci il avqustun 23-də Ucarın Alpout kəndində anadan olub. 2015-ci ildə orta təhsilini başa vurub. Həqiqi hərbi xidmətdən sonra 2018-ci ildə müddətdən artıq hərbi qulluqçu kimi ordu sıralarına qayıdıb. 2019-cu ildə XTQ-nin hazırlıq kursunu müvəffəqiyyətlə başa vuraraq kəşfiyyatçı kimi xidmətini davam etdirib. 2020-ci il oktyabrın 19-da Vətən müharibəsində Füzuli istiqamətində gedən döyüşdə şəhid olub və oktyabrın 24-də böyüyüb boya-başa çatdığı doğma kəndində dəfn olunub.

Prezidentin Sərəncamı ilə ölümündən sonra “Vətən uğrunda”, “Cəbrayılın azad olunmasına görə”, “Xocavəndin azad olunmasına görə” və “Füzulinin azad olunmasına görə” medalları ilə təltif edilib.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM