12:52 28 Oktyabr 2021
ONLINE XƏBƏR LENTİ
02:47 28.10.2021

Zəngəzur dəhlizi


02:41 28.10.2021

28 oktyabr


02:35 28.10.2021

Şuşanın incisi


Tarix Muzeyi: Azərbaycanda neft sənayesi fotolarda
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Türkiyənin ölkəmizdəki səfirliyində Bakının azad edilməsinin 103-cü ildönümü münasibətilə tədbir keçirilib
ANA SƏHİFƏ / SİYASƏT
23:46 15.09.2021

 

Sentyabrın 15-də Bakının Qafqaz İslam Ordusu tərəfindən işğaldan azad edilməsinin 103-cü ildönümü münasibətilə Türkiyənin Azərbaycandakı səfirliyində tədbir keçirilib.

AZƏRTAC xəbər verir ki, tədbir şəhidlərin xatirəsinin birdəqiqəlik sükutla yad edilməsi ilə başlayıb.

Sonra Azərbaycan və Türkiyənin Dövlət himnləri səsləndirilib.

Tədbirdə Türkiyənin Baş ombudsmanı Şərəf Malkoç, Azərbaycan Milli Məclisinin deputatları da iştirak ediblər.

Tədbirdə çıxış edən səfir Cahit Bağçı Türkiyə-Azərbaycan qardaşlığından danışıb, 15 sentyabr tarixinin əhəmiyyətindən söz açıb.

İslam Əməkdaşlıq Təşkilatı (İƏT) Ombudsmanlar Assosiasiyasının prezidenti, Türkiyənin Baş Ombudsmanı Şərəf Malkoç isə bildirib ki, Nuru paşanın gəlişi ilə Azərbaycan gəncləri, Azərbaycan Silahlı Qüvvələri birləşərək Bakını işğaldan azad ediblər. Bu gün Türkiyə Prezidenti Rəcəb Tayyib Ərdoğan və Azərbaycan Prezidenti İlham Əliyevin sıx qardaşlıq münasibətlərindən narahat olanlar var. Prezidentlərimizin bu münasibətləri Türkiyədəki türklərlə Azərbaycandakı qardaşlarımızın əlaqələrini yaxşılaşdırır. Zəfərlər Qarabağda olduğu kimi, sadəcə, silahla qazanılmır. Dayanıqlı inkişafı davam etdirmək üçün onu sosial, iqtisadi platformalarda dəstəkləmək lazımdır. Biz İslam Əməkdaşlıq Təşkilatı Ombudsmanlar Assosiasiyası, Türkiyə Ombudsmanlığı olaraq bu əməkdaşlığı inkişaf etdiririk.

Türkiyə və Azərbaycanın 103 il əvvəlki ölkələr olmadığını diqqətə çatdıran Ş.Malkoç deyib: “O vaxt türk və İslam dünyaları tənəzzül dövrünü yaşayırdı. İndi isə Azərbaycan və Türkiyənin dostluğu sayəsində türk və İslam dünyaları inkişafa doğru gedir. Bizim qarşımızda böyük hədəflər var. Dünyada müharibələr gedir, insan haqları pozulur. Dünya yeni bir düzən gözləyir. Bu da mərhəmətə, şəfqətə əsaslanır. Bu anlayışın toxumlarını Azərbaycanda, Türkiyədə görürük.

Milli Məclisin Beynəlxalq münasibətlər və parlamentlərarası əlaqələr komitəsinin sədri Səməd Seyidov diqqətə çatdırıb ki, Azərbaycan bu gün ilk dəfə bu əlamətdar günü ərazi bütövlüyünü bərpa etmiş ölkə kimi qeyd edir.

Milli Məclisin deputatları Qənirə Paşayeva və Məlahət İbrahimqızı Nuru paşanın rəhbərliyi ilə Qafqaz İslam Ordusunun Bakını, Silahlı Qüvvələrimizin isə Qarabağı azad etməsi ilə bağlı geniş maarifləndirmə işlərinin aparılmasına, filmlərin çəkilməsinə ehtiyac olduğunu bildiriblər. Eyni zamanda, qeyd edilib ki, 15 sentyabr Azərbaycanın bolşevik işğalından azad olunduğu tarixdir. Bu gün isə Azərbaycan-Türkiyə qardaşlığı dünyaya nümunədir.

Tədbir digər çıxışlarla davam edib.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM