22 Aprel 2021 23:33
832
DÜNYA
A- A+

Türkiyə Prezident Administrasiyasının Ali Məşvərət Şurasının növbəti iclası keçirilib

 

Türkiyə Prezidenti Rəcəb Tayyib Ərdoğanın sədrliyi ilə Prezident Administrasiyasının Ali Məşvərət Şurasının (AMŞ) növbəti iclası keçirilib.

AZƏRTAC Türkiyə Prezidenti Administrasiyasının Kommunikasiya İdarəsinə istinadla xəbər verir ki, iclasda Türkiyədə yeni Konstitusiyanın qəbulu, ölkədə müşahidə olunan anti-demokratik cəhdlər və saxta “erməni soyqırımı” məsələləri müzakirə olunub.

Ali Məşvərət Şurasının üzvləri tarixi əhəmiyyətə malik yeni Konstitusiyanın sabitliyə, inkişafa və tərəqqiyə cavab verən daha geniş əhatəli mətndə hazırlanmasının vacibliyini ifadə ediblər.

Saxta “erməni soyqırımı” mövzusunda iftiralara qarşı atılacaq addımlarla bağlı fikir və mülahizələrini bölüşən Ali Məşvərət Şurasının üzvləri gündəlikdəki digər məsələləri də nəzərdən keçiriblər.

Türkiyədə bütün antidemokratik cəhdlərin qarşısının alınacağını diqqətə çatdıran Prezident Rəcəb Tayyib Ərdoğan deyib ki, əsas istək Cümhuriyyətin 100-cü ildönümünü hərbi çevrilişlərə şərait yaradan Konstitusiya ilə deyil, xalqın qərarı ilə qəbul olunacaq və mülki əsaslara söykənən yeni Konstitusiya ilə qarşılamaqdır.

Çıxışında saxta “erməni soyqırımı” məsələsinə də münasibət bildirən Prezident Ərdoğan əminliklə bildirib ki, bu yalanlara dəstək verənlərə qarşı mübarizə bundan sonra da davam etdiriləcək.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video