11:01 20 Oktyabr 2021
ONLINE XƏBƏR LENTİ
00:50 20.10.2021

QARABAĞIN HAVA QAPISI


00:49 20.10.2021

11 ayda 14 səfər


00:10 20.10.2021

20 oktyabr


00:06 20.10.2021

Dördgünlük iş həftəsi


Tarix Muzeyi: Azərbaycanda neft sənayesi fotolarda
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Tovuzda vaksinasiya prosesinin gedişi müzakirə edilib

ANA SƏHİFƏ / SƏHIYYƏ
02:26 15.08.2021

 

Tovuzda rayon ərazisində vaksinasiya prosesinin gedişinin təhlili və bununla bağlı əhali arasında aparılan təbliğat işlərinin gücləndirilməsi məqsədilə onlayn müşavirə keçirilmişdir.

Müşavirədə diqqətə çatdırılmışdır ki, Nazirlər Kabinetinin 2021-ci il 16 yanvar tarixli sərəncamı ilə təsdiq edilmiş “Azərbaycan Respublikasında COVID-19 xəstəliyi əleyhinə 2021-2022-ci illər üçün Vaksinasiya Strategiyası”na uyğun olaraq əhalinin peyvənd olunması prosesi davam edir. Bununla belə, insanların könüllü olaraq vaksinasiyaya getməsi üçün əhali arasında aparılan təbliğat işləri daha da gücləndirilməli və geniş izahat işləri aparılmalıdır. Əhali bilməlidir ki, sentyabrın 1-dən vaksin edilməmiş şəxslərə bir çox qadağalar tətbiq olunacaq. Bu qadağalar vaksin olunmayacağı halda pensiya və müavinət alanlara, həmçinin ünvanlı sosial yardım ödənilən şəxslərə də şamil ediləcək. Eyni zamanda insanlara məlumat verilməlidir ki, vaksin olunmamış şəxslərə dövlət xidmətləri, o cümlədən “ASAN xidmət” mərkəzlərində xidmətlər göstərilməyəcək.

Avqustun 16-dan etibarən isə Əmək və Əhalinin Sosial Müdafiəsi Nazirliyi və onun qurumlarında, habelə DOST mərkəzlərində vətəndaşların qəbulu və müraciətlərinə baxılması yalnız peyvənd edilmələri barədə təsdiqedici sənəd (COVID-19 pasportu) təqdim etdikləri halda həyata keçiriləcək. Hətta elektron müraciətlər belə, peyvənd pasportuna malik olduqları barədə məlumat daxil edildiyi (o cümlədən ünvanlı dövlət sosial yardımı ilə əlaqədar müraciət zamanı ərizə-bəyannamədə qeyd edildiyi) halda həyata keçiriləcək.

 Müşavirədə o da bildirilmişdir ki, vaksinləşmə prosesinin daim diqqətdə saxlanılması və əhalinin ən azı 70 faizinin vaksin olunması üçün bütün resurslardan səmərəli istifadə edilməlidir.

 

Sabir ƏLİYEV,

“Azərbaycan”



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM