12 Fevral 2017 12:02
780
Oxucu məktubları
A- A+

Təşəbbüsümüz dəstəkləndi: yaşıllıq bərpa olundu

 

8-ci mikrorayon Sumqayıtın ilk və ərazi baxımından böyük yaşayış massivlərindəndir. Burada xeyli ağac əkilmiş, yaşıllıq zolaqları salınmışdı. İllər keçdikcə ağacların bir hissəsi quruduğu üçün kəsilmiş, yerləri boş qalmışdı. Bu səbəbdən qərara aldıq ki, boş yerlərdə yeni ağacların əkilməsi, yaşıllığın bərpası üçün əlaqədar təşkilatlara müraciət edək.

Sakinlərin imzası ilə şəhər icra hakimiyyətinə xahiş məktubu göndərdik. Bir qədər sonra aldığımız cavab hamımızı sevindirdi. Şəhər rəhbərliyi təşəbbüsümüzü dəstəkləmiş, köməyini əsirgəməyəcəyini bildirmişdi. Bundan sonra yaşıllaşdırma idarəsinin əməkdaşları əraziyə baxış keçirib iş planı hazırladılar.

Yanvarın sonunda həmin yerlərdə çalalar qazıldı, müxtəlif ağac tingləri gətirildi. Sakinlərin iştirakı ilə boş yerlərdə yeni ağaclar əkildi. İndi mikrorayon sakinləri həmin ağacları qayğı ilə qoruyurlar.

Yaxşı olardı ki, layihə ilə yaşıllıq üçün nəzərdə tutulmuş, lakin müxtəlif səbəblərdən indi boş qalan digər sahələrdə də ağac, gül kolları əkilsin, yaşıllıq zolaqları bərpa edilsin. Bu işdə əhali fəallıq, təşəbbüskarlıq göstərsə, icra orqanları onlara dəstək verər: bizim mikrorayonda olduğu kimi...

 

Aynurə BAXIŞQIZI,

Sumqayıt şəhəri, 8-ci mikrorayon sakini

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video