“Sevdalı güllər” mağazası
Valeh Tağıyev Salyan şəhərində yaşayır. Bərbər işləsə də, ürəyindən həmişə bir arzu keçirdi. Yaşadığı şəhərdə gül mağazası açmaq, gənclərin, sevənlərin, gül-çiçək həvəskarı olanların zövqünü oxşamaq, lazımi məqamda onlara kömək etmək.
Keçən ilin bu vədələrində istəyini reallaşdırdı. Şəhərin X.R.Ulutürk küçəsində "Sevdalı güllər” adlı mağaza açdı. Belə bir adı nə üçün seçdiyini soruşanda "tarixçəsi uzundur” dedi.
Bakıda yaşayan, gül satışı ilə məşğul olan yaxın qohumu vasitəsilə mağazasını Ekvadordan, Hollandiyadan, digər ölkələrdən gətirilmiş müxtəlif növ dekorativ bitkilərlə, güllərlə, çiçəklərlə bəzədi. Küçə şəhərin mərkəzində yerləşdiyindən həmişə qələbəlik olur. Belə bir yerdə dükanın açılması əhalinin diqqətini özünə tez cəlb etdi. İndi buradan keçənlər istər-istəməz ayaq saxlayıb dükanın qarşısına düzülmüş güllərə baxır, daha çox maraqlananlar içəri keçib həvəslə onları seyr edirlər. Ürəyi istəyənlər çeşid-çeşid, rəngbərəng güllərdən, dibçək bitkilərindən zövqlərinə uyğun olanını alırlar. Özü də çox münasib qiymətə. Satıcı Gövhər Məmmədyarova da hər bir alıcını diqqətlə dinləyir, soruşulan gülün adı, xüsusiyyəti, saxlanması haqqında ətraflı məlumat verir.
"Sevdalı güllər” mağazasına ən çox cavanlar baş çəkir. Kimisi nişanlısının, kimisi həyat yoldaşının istədiyi gülləri alır. Beləcə, bir ilə yaxındır ki, bu mağazada satılan güllər Salyan şəhərində neçə-neçə evin də bəzəyinə çevrilib.
Şahin ƏZİZOV,
Salyan şəhər sakiniDigər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Rektor: COP29-un bu il Azərbaycanda keçirilməsi aparılmış məqsədyönlü dövlət siyasətinin bariz nümun...
25 Aprel
İnam Kərimov: Azərbaycanda məhkəmə-hüquq islahatları hər zaman dövlətin diqqət mərkəzində olub ...
25 Aprel
Vətəndaşlara Şuşa, Suqovuşan və Laçına fərdi avtomobilləri ilə səfər etmələrinə icazə veriləcək ...
25 Aprel
Vəkillər Kollegiyasının sədri: Bu gün ölkəmizdə vəkillərin sayı 2454 nəfərə çatıb ...
25 Aprel
Mətbuat xidmətlərinin rəhbərləri üçün “Böhran kommunikasiyası” mövzusunda təlim təşkil olunub ...
25 Aprel
DİM sertifikasiya imtahanı materiallarının hazırlanması üçün mütəxəssisləri əməkdaşlığa dəvət edir...
25 Aprel
Bakının bir sıra yollarında sıxlıq müşahidə olunur - SİYAHI
25 Aprel
DİN: Ötən gün ölkə ərazisində 63 cinayətin üstü açılıb
25 Aprel
Azərbaycan nefti bahalaşıb
25 Aprel
Blinken: ABŞ və Çin ikitərəfli münasibətlərə məsuliyyətlə yanaşmalıdır
25 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!