13 Dekabr 2011 03:12
496
SİYASƏT
A- A+

Sərdar Ünsal: «Heydər Əliyev türk dünyasının ən böyük liderlərindən biridir»

 

Heydər Əliyev türk dünyasının ən böyük liderlərindən biridir. Ulu öndər Heydər Əliyev qısa müddətdə Azərbaycanı sürətli inkişaf yoluna çıxarmış, türk dünyası, o cümlədən Türkiyə ilə ən yüksək dostluq və qardaşlıq əlaqələrinin qurulmasına mühüm töhfə vermişdir.

AzərTAc xəbər verir ki, bunu Türkiyə-Azərbaycan Dərnəyinin İğdır vilayəti üzrə təmsilçisi, iğdırlı jurnalist Sərdar Ünsal ulu öndər Heydər Əliyevin xatirəsinin anım günü ilə bağlı fikirlərini bölüşərkən demişdir.

Dünya miqyaslı siyasətçi Heydər Əliyevin öz xalqına sürətlə inkişaf edən Azərbaycan dövlətini miras qoyduğunu diqqətə çatdıran S.Ünsal demişdir ki, onun "bir millət - iki dövlət" kəlamında bildirildiyi kimi, xalqlarımız hər zaman bir-birinin yanında olmuşlar.

Ümummilli lider Heydər Əliyevin Bakı-Tbilisi-Ceyhan və digər mühüm əhəmiyyət daşıyan irimiqyaslı layihələrin memarı olduğunu vurğulayan S.Ünsal ulu öndərin əsasını qoyduğu uzaqgörən siyasətin onun layiqli davamçısı Prezident İlham Əliyev tərəfindən uğurla davam etdirildiyini vurğulamışdır: "Prezident İlham Əliyevin yorulmaz səyləri nəticəsində Azərbaycan dünya dövlətləri arasında özünə layiqli yer tutmuşdur".

Torpaqlarımızın 20 faizinin hələ də Ermənistan silahlı qüvvələrinin işğalı altında olduğunu diqqətə çatdıran S.Ünsal bildirmişdir ki, Azərbaycanın ərazi bütövlüyü tezliklə bərpa edilməlidir. Əks halda, Azərbaycan Ermənistan tərəfindən işğal olunmuş torpaqlarını hərbi yolla azad edəcəkdir. Bunun üçün Azərbaycanın kifayət qədər güclü ordusu vardır.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video