Səhiyyə Nazirliyinin nümayəndəsi: Yaşı 30-dan yuxarı olanlar hər gün müraciət edərək, peyvənd vurdurmaq istədiklərini bildirirlər
Bir neçə ay bundan əvvəl insanlar yeni növ koronavirusa (COVID-19) yoluxmaqdan ehtiyat edirdilərsə, indi ona qarşı tətbiq edilən vaksinlərə qarşı onların bəzilərində müxtəlif şübhələr və narahatlıqlar var. Təəssüf ki, bəzi vətəndaşlarda bu cür münasibət hələ də gündəmin əsas mövzusu olaraq qalır.
AZƏRTAC xəbər verir ki, Səhiyyə Nazirliyinin COVID-19-la mübarizə işçi qrupunun üzvü Günay Quluzadə bununla əlaqədar olaraq deyib: “COVID-19-la mübarizədə peyvənd çox əhəmiyyətli rol oynayır. Lakin onun barəsində əhali arasında fikirlər heç də birmənalı deyil. Bu, təkcə COVID-19-a qarşı istifadə olunan peyvəndlərə aid deyil, ümumiyyətlə, peyvəndlərə qarşı mövqelər həmişə müxtəlif olub. Demək olar ki, onu vurdurub-vurdurmamaq barədə həmişə tərəddüdlər yaranıb. Əslində bu narahatlıqları və bu cür yanaşmaları başa düşmək mümkündür. COVID-19-a qarşı peyvənd yeni ixtira edilib və buna görə onunla əlaqədar yanaşmalar da fərqlidir. Xatırlayırıq ki, peyvənd hələ hazır olmadığı vaxtlarda vətəndaşlar səhiyyə qurumlarından peyvəndin hazırlanmağı, hazır olandan sonra isə ölkəyə gətirilməsi üçün müraciətlər edirdilər. Artıq həmin dövr arxada qalıb, ölkəmizə kifayət qədər peyvənd gətirilib və onun vurulması da çox uğurla aparılır. Şübhəsiz ki, koronavirusla ən güclü mübarizə maska taxmaq, sosial məsafə saxlamaq və gigiyenik qaydalara əməl etməklə yanaşı vaxtında virus əleyhinə peyvəndin aparılmasıdır. İlk növbədə peyvənd tədbirinə həssas qrupa aid xroniki və digər yanaşı xəstəlikləri olanlar və yaşı 65-dən yuxarı əhali qrupundan başlanılıb. Hazırda peyvəndlənmənin sürəti kifayət qədər yüksəkdir. Vətəndaşlar əvvəlki dövrlərdə olduğundan daha həvəslə və könüllü olaraq peyvənd vurdururlar. İlk vaxtlarda olan şübhələr və inamsızlıq halları demək olar ki, azalıb. Hər dəfə peyvəndə qoşulanların yaş həddi azaldılaraq yeni mərhələni əhatə edəndə gənc və orta nəslə mənsub olanlar arasında bu işə daha həvəslə qoşulanları görürük. Yaşı 30-dan yuxarı olanlar az qala hər gün müraciət edərək peyvənd vurdurmaq istədiklərini və onlara nə vaxt növbə çatacağını gözləyirlər”.
İşçi qrupunun üzvü peyvəndin yan təsirləri barədə danışarkən deyib: “Yan təsirlər peyvənd edildikdən sonrakı 24 saat ərzində yarana biləcək qısamüddətli narahatlıqlar - hərarətın qalxması, halsızlıq, şişkinlik və s. ola bilər. Hər bir orqanizm fərdi keyfiyyətə malikdir və ona görə də peyvəndə cavab reaksiyası fərqli ola bilər. Artıq üç aya yaxındır ki, peyvəndlənmə prosesi gedir. İndiyədək halsızlıq, inyeksiya yerində ağrı, şişkinlik halları müşahidə edilsə də, hələlik peyvənd zamanı allergik reaksiyalara rast gəlinməyib, ürəkkeçmə, iflic olma halları yaşanmayıb. Ölkəmizdə tətbiq olunan Çinin “Sinovac” şirkətinin “CoronaVac” vaksini illərdən bəri istifadə olunan inaktiv peyvəndlər qrupuna aiddir və onların da təhlükəsizliyi 100 faizə yaxındır”.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
DİN: Ötən gün ölkə ərazisində 63 cinayətin üstü açılıb
25 Aprel
Azərbaycan nefti bahalaşıb
25 Aprel
Blinken: ABŞ və Çin ikitərəfli münasibətlərə məsuliyyətlə yanaşmalıdır
25 Aprel
Vaşinqtonda “erməni soyqırımı” yalanlarına qarşı dinc aksiya keçirilib
25 Aprel
Türkiyə kosmik düşərgəsində Vətən müharibəsinin şəhid uşaqları üçün kvota ayıracaq ...
25 Aprel
Ağ ev: Rusiya nüvə başlığı daşıya bilən peyk hazırlayır
25 Aprel
Azərbaycanlı rejissorun ekran əsəri Kann Film Festivalının qısametrajlı filmlər müsabiqəsinə seçilib...
25 Aprel
Türk dövlətlərinin peykləri bütün TDT ölkələrinin xeyrinə istifadə edilə bilər
25 Aprel
Avropa Komissiyası Ukraynaya 1,5 milyard avroluq daha bir tranş ayırıb
25 Aprel
Gözəlliyi rənglərə köçürən rəssam
25 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!