06 Avqust 2021 13:02
883
Elm və texnika
A- A+

Şamaxı rəsədxanasında Lütfi Zadənin 100 illik yubileyinə həsr olunmuş konfrans keçirilib  

AMEA-nın N.Tusi adına Şamaxı Astrofizika Rəsədxanasında dünya şöhrətli alim, qeyri-səlis məntiq nəzəriyyəsinin banisi, professor Lütfi Zadənin 100 illik yubileyinə həsr olunmuş konfrans keçirilib.

Rəsədxanadan AZƏRTAC-a bildiriblər ki, tədbirdə elmi müəssisənin baş direktoru AMEA-nın müxbir üzvü Namiq Cəlilov Azərbaycan Prezidenti İlham Əliyevin Sərəncamına uyğun olaraq ölkəmizdə görkəmli alim Lütfi Zadənin 100 illiyinin geniş şəkildə qeyd edildiyini deyib.

N.Cəlilov dahi alim Lütfi Zadənin zəngin həyat və elmi yaradıcılığından, onun dünya elminə verdiyi töhfələrdən danışıb. O bildirib ki, Lütfi Zadə dünya miqyasında əsərlərinə ən çox istinad olunan alimlərdəndir. Onun yaratdığı elmi məktəb və laboratoriyalar bir sıra ölkələrdə yarım əsrdən artıqdır uğurla fəaliyyət göstərir. Azərbaycanlı olduğunu fəxrlə bildirən və ürəyi daim doğma Vətəni ilə bir döyünən Lütfi Zadə elm və texnologiyaların inkişafında, eləcə də mədəniyyətlərarası dialoqun qurulmasında misilsiz xidmətlərinə görə Azərbaycan Respublikasının ali mükafatlarından olan “Dostluq” ordeninə layiq görülüb.

Fizika-riyaziyyat üzrə fəlsəfə doktoru Bala Əli Rəcəbov məruzə edərək dahi alim Lütfi Zadənin irəli sürdüyü nəzəriyyələr, elmə gətirdiyi yeniliklər, onların dünya elminə, texnologiyasına və iqtisadiyyatına verdiyi böyük səmərələrdən danışıb.

Əməkdaşlardan fizika-riyaziyyat üzrə fəlsəfə doktoru Kamal Hüseynov və İctimaiyyətlə əlaqələr şöbəsinin müdiri Orxan Salehli Lütfi Zadənin elmi nailiyyətlərinə dair məruzə ediblər.

Kitabxananın müdiri Nərminə Abdullayeva alimin nəşr etdirdiyi kitab və məqalələr, onun biblioqrafiyası barədə çıxış edib.

Ümumilikdə konfransın iki elmi sessiyasında Şamaxı Astrofizika Rəsədxanasında aparılan elmi işlərin nəticələrini əks etdirən 30-dək məruzə dinlənilib.

Milli Aviasiya Akademiyası, Milli Kosmik Agentliyi əməkdaşlarının məruzələri stend məruzə şəklində təqdim olunub.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video