04 Avqust 2017 01:08
770
Oxucu məktubları
A- A+

Sahibkarlar gömrükçülərin fəaliyyətindən razıdırlar

 

Kənd təsərrüfatı məhsullarının ixrac və idxalı ilə məşğul olan iş adamlarının uğurunu, eyni zamanda bu sektorun iqtisadiyyata faydasını  şərtləndirən əhəmiyyətli amillərdən biri də gömrük münasibətləri, tənzimləmələridir.

Son illər Prezident İlham Əliyevin müvafiq fərman və sərəncamları əsasında gömrük sistemində əsaslı islahatlar aparılmış, malların bəyan olunmasının elektron qaydada həyata keçirilməsi təmin edilmiş, gömrük nəzarəti və sənədləşdirmə prosedurları yeni tələblər əsasında qurulmuşdur. “Bir pəncərə”, “Elektron bəyannamə”, “Yaşıl dəhliz” və digər yeniliklər idxal-ixrac əməliyyatlarının sürətlə, eyni zamanda şəffaf şəkildə həyata keçirilməsinə səbəb olmuşdur. İqtisadi təhlükəsizliyimizin təmin olunması, daxili bazarın qorunması, ticarətin, həmçinin gömrük əməliyyatlarının  asan, dəqiq və tez bir zamanda aparılması istiqamətində gömrük orqanlarının fəaliyyəti diqqətçəkəndir. Bakı Baş Gömrük İdarəsinin (BBGİ) fəaliyyəti bu xüsusda seçilir.

BBGİ-də idxal-ixrac əməliyyatları ilə məşğul olan biznes subyektləri ilə vaxtaşırı görüşlər keçirilir. Belə görüşlərdə gömrükçülər biznesmen-gömrük əməkdaşlığının inkişaf etdirilməsindən, qarşılıqlı işgüzar münasibətlərin qanunvericiliyin tələbləri çərçivəsində  qurulmasının vacibliyi və  əhəmiyyətindən söz açır, mövcud vəziyyəti öyrənir, irad və təklifləri dinləyir, birgə müzakirələr aparırlar.  İdarə əməkdaşları sahibkarları narahat edən məsələlərlə maraqlanır, sualları cavablandırır, problemlərin operativ və obyektiv şəkildə aradan qaldırılması  üçün əllərindən gələni əsirgəmirlər. Sahibkarlar da öz növbələrində gömrük orqanlarının bu sahədəki məsuliyyətli və peşəkar yanaşmasını yüksək qiymətləndirirlər.  Gömrük idarəsinin bütün işçiləri  peşəkarlıqları və mənəvi keyfiyyətləri ilə fərqlənirlər.   Onlar xidməti vəzifələrinin icrası zamanı prinsipial, qərəzsiz,  ədalətli olmağa çalışır, qanunun  aliliyini rəhbər tuturlar.

Bakı Baş Gömrük İdarəsinin kollektivi Azərbaycan Respublikasının, gömrük xidmətinin nüfuzunu möhkəmləndirməyə, gömrükçü  adını və şərəfini uca tutmağa çalışır. Bir vətəndaş və sahibkar olaraq  idxal və ixracla bağlı bu idarəyə  müraciət etdiyim zaman  bürokratik əngəllə, süni maneə ilə rastlaşmamışam. Əksinə, hər dəfə idarənin hər bir işçisindən  diqqət və qayğı görmüşəm. Bu səbəbdən Bakı Baş Gömrük İdarəsinin kollektivinə, gömrük əməkdaşlarına bir sahibkar kimi təşəkkür etmək istəyirəm. Əminəm ki, onlar bundan sonra da üzərlərinə düşən vəzifələrin öhdəsindən layiqincə gələcək, ölkəmizin iqtisadi yüksəlişinin  təmin olunmasına, gömrük münasibətlərinin müasir və mütərəqqi platformada inkişafına  yeni-yeni töhfələr verəcəklər.

                                              

Həmid MƏMMƏDOV,

“NNM GROUP” MMC-nin təsisçisi və rəhbəri

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video