22 Iyun 2021 12:49
1357
PARLAMENT
A- A+

Sahibə Qafarova: Şuşa Bəyannaməsinin imzalanması ilə bütün dünya Azərbaycan-Türkiyə dostluğunun bir daha şahidi oldu

 

Qardaş Türkiyə iqtisadi və siyasi gücünə görə dünyanın lider ölkələrindən biridir. Bu, həm də bizim gücümüzdür. Çünki Türkiyənin gücü Azərbaycanın gücü, Azərbaycanın gücü isə Türkiyənin gücüdür. Türk dünyasının böyük siyasi xadimlərindən biri olan Rəcəb Tayyib Ərdoğanın apardığı uğurlu siyasət sayəsində Türkiyə Respublikası böyük inkişaf yolu keçib.

İki qardaş ölkə olan Türkiyə ilə Azərbaycan arasında əlaqələr dünyada nadir münasibətlərdəndir. Ölkələrimiz arasındakı münasibətlər ulu öndər Heydər Əliyevin ifadə etdiyi kimi “Bir millət, iki dövlət” prinsipi əsasında qurulub. Biz bütün məsələlərdə bir-birimizin yanındayıq. Xalqlarımızın qəlbən birliyi əbədi və sarsılmazdır.

AZƏRTAC xəbər verir ki, bu fikirləri Milli Məclisin sədri Sahibə Qafarova parlamentin iyunun 22-də keçirilən iclasında deyib.

Parlamentin sədri diqqətə çatdırıb ki, Azərbaycan və Türkiyə tarix boyu həmişə bir-birinin yanında olub. Çanaqqala döyüşündə, Bakının ermənilərdən təmizlənməsində biz bunun şahidi olmuşuq. Xalqlarımız həmişə bir-birini dəstəkləyib, indi də bir yerdəyik və gələcəkdə də birlikdə olacağıq. Onun sözlərinə görə, Türkiyə Prezidenti iyunun 16-da Milli Məclisdə çıxışı zamanı önəmli mesajlar verdi.

Sahibə Qafarova vurğulayıb ki, 44 günlük Vətən müharibəsində Türkiyənin göstərdiyi siyasi və mənəvi dəstək Azərbaycanın haqq işinin qazanılmasında böyük rol oynadı. Bütün dünya Şuşa Bəyannaməsinin imzalanması ilə Azərbaycan-Türkiyə dostluğunun bir daha şahidi oldu. Şuşa Bəyannaməsi Türkiyə-Azərbaycan əlaqələrini yeni zirvəyə qaldırdı.

Milli Məclisin sədri vurğulayıb ki, Vətən müharibəsindən sonra Azərbaycanın regionda yaratdığı yeni geosiyasi reallıq fonunda ölkələrimiz arasında birgə əlaqələr uğurla inkişaf etdirilir.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video