05 May 2021 17:11
1018
CƏMİYYƏT
A- A+

Rusiyalı deputat: Ağdamda gördüklərim hərbi cinayətdir  

Biz Ağdamda keçmiş sovet məkanında məşhur olan Çörək muzeyinin qalıqlarını, həmçinin xəstəxanaların, mədəniyyət evlərinin, teatr binasının dağıntılarını gördük. Bu, vəhşilikdir. Bu, nifrət və ağılsızlığın təzahürüdür. Mən bu dərəcədə dəhşətli səhnələr görəcəyimi gözləmirdim. Adama elə gəlir ki, burada nüvə partlayışı olub. Burada gördüklərim hərbi cinayətdir. Bu, çox da uzaq olmayan bir tarixi əhatə edir və minlərlə insanın ölümünə səbəb olub.

Bu sözləri mayın 5-də Ağdamda səfərdə olan Rusiya Federasiyası Dövlət Dumasının deputatı, Rusiya-Azərbaycan parlamentlərarası dostluq qrupunun rəhbəri Dmitri Savelyev AZƏRTAC-ın bölgə müxbirinə açıqlamasında deyib.

D.Savelyev deyib ki, insanlar burada nə baş verdiyini görməlidirlər: “Tarixi abidələr dağıdılıb, biz indi bunları görürük. Bütün bunlar çox dəhşətlidir. Mənə həmkarlarım bu barədə danışmışdılar, ilk dəfə fotoşəkillərdə bu dəhşətli mənzərəni görmüşdüm. Ancaq həmin mənzərəni canlı görəndə, hisslərini ifadə edə bilmirsən. Bu, talançılıqdır, kanalizasiya borularını belə çıxarıblar”.

Rusiya-Azərbaycan parlamentlərarası dostluq qrupunun rəhbəri qeyd edib ki, hər yerdə minalanmış sahə nişanları qoyulub. "Ermənistan rəhbərliyi minalanmış ərazilərin xəritələrini Azərbaycana verməkdən imtina edir. Aydındır ki, onlar bu hərəkətləri ilə vaxtilə bu ərazini tərk etməyə məcbur olmuş insanların geri qayıtmasına mane olmağa çalışırlar. Bu addım açıq formada Ermənistanın siyasi rəhbərliyinin mövqeyini göstərir. Bu, tamamilə qeyri-konstruktiv addımdır”, - deyə o bildirib.

D.Savelyev deyib ki, artıq sülh yolu ilə irəliləmək lazımdır: “Müharibə qurtarıb, əraziləri bərpa etmək, sülh şəraitində yaşamaq lazımdır. Ermənistanın iqtisadiyyatına baxın, insanlar ölkəni tərk edir. İşğalla əlaqədar Ermənistan blokada vəziyyətindədir. İndi iqtisadi əməkdaşlığı inkişaf etdirmək, bu ərazilərdə həyatı yenidən dirçəltmək lazımdır. Buna görə də Ermənistandan konstruktiv, sağlam addımlar gözləyirik. Bu ərazilərin hamısı minalardan təmizlənməlidir”.

O, Ağdamın yenidən abad şəhərə çevriləcəyinə əminliyini ifadə edib: "İnanırıq ki, qarşıdakı illərdə burada yeni müasir şəhər salınacaq, didərgin düşmüş əhali öz yerlərinə dönəcək. Burada yenə də həyat qaynayacaq, küçələrdə uşaqların gülüş səsləri eşidiləcək".

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video