14:31 03 Avqust 2021
ONLINE XƏBƏR LENTİ
Suqovuşanın təbiət mənzərələri FOTO
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Rusiyada qanunsuz yaşayan əcnəbilərin ölkədən məcburi çıxarılmasına sentyabrın 30-dək moratorium qoyulub
ANA SƏHİFƏ / DÜNYA
21:58 15.06.2021

 

Əcnəbilərin və vətəndaşlığı olmayan şəxslərin Rusiyadan məcburi çıxarılmasına sentyabrın 30-dək moratorium qoyulub.

AZƏRTAC xəbər verir ki, iyunun 15-də Prezident Vladimir Putin bununla bağlı Fərman imzalayıb.

Rusiya DİN-in saytında yerləşdirilmiş məlumatda bildirilir ki, bu ölkədə qanunsuz yaşayan əcnəbilər sentyabrın 30-dək polisə müraciət edərək sənədlərini rəsmiləşdirə bilərlər. Fərmana əsasən, güzəştlər həbsxanadan çıxmış və ya Rusiyanın milli təhlükəsizliyi üçün təhdid yaradan əcnəbilərə aid deyil.

Qeyd edək ki, koronavirus pandemiyası ilə əlaqədar imzalanmış əvvəlki belə sənədin vaxtı iyunun 15-də bitib.

Hazırda martın 15-dək Rusiyaya gəlmiş və bu ölkədə qalmağa qanuni hüququ olmayan şəxslər polisə müraciət edərək sənədlərini qaydaya sala bilərlər. Bu qayda aviasiya əlaqəsi bərpa olunandan sonra Rusiyanı tərk etmiş əcnəbilərə də aiddir.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM