09 Iyun 2021 23:10
627
SİYASƏT
A- A+

Roman Naudinış: Ağdamda gördüklərimiz vəhşilikdir

 

Ağdamda gördüklərimiz vəhşilikdir. Keçmiş ekologiya naziri kimi deyə bilərəm ki, bu vəhşilik həm də təbiətə qarşıdır. Meşələr kəsilib, evlər dağıdılıb, elektrik, su təchizatı məhv edilib. Bütün bunlar fəlakətdir.

AZƏRTAC-ın bölgə müxbiri xəbər verir ki, bu barədə jurnalistlərə müsahibəsində Ağdamda səfərdə olan Latviya parlamentinin deputatı, Latviya Respublikası Seyminin Azərbaycan parlamenti ilə əməkdaşlığın inkişafı üzrə qrupunun rəhbəri Roman Naudinış deyib.

Latviyalı deputat erməni siyasi rejiminin törətdiyi rəzilliyi təsvir etməyə söz tapmadığını bildirib: “Bu rəzilliyi görərək yalnız onu deyə bilərəm ki, onlar müdafiə istehkamlarına və qurğularına sərf etdikləri vəsaiti yaxşı olardı ki, öz xalqının təhsilinə, qonşu Azərbaycan, Türkiyə, Gürcüstanla sülh içində yaşamağına sərf edəydilər”.

Roman Naudinış Ağdamın yenidən qurulması ilə bağlı görüləcək işləri yüksək qiymətləndirib: “Quruculuq planları çox doğrudur. İlk mərhələdə biznes üçün infrastruktur qurulacaq. İnsanların məşğuliyyəti üçün müəssisələr tikiləcək. İnsanların burada yaşamaları üçün iş yerləri olacaq. Bizim güclü tikinti şirkətlərimiz, mütəxəssislərimiz, mühəndislərimiz, arxitektorlarımız var. Ümid edirəm ki, biz də bu tikinti-quruculuq işlərində iştirak edəcəyik. Düşünürəm ki, Latviya investorları zavodların tikintisi üçün ilk infrastruktur hazır olanda Azərbaycanla birlikdə bu regionun inkişafında iştirak edə biləcək. İnşallah insanlar tezliklə öz doğma yerlərinə dönəcəklər. Mən bilirəm doğma yerləri itirmək insanlar üçün necə ağırdır. Ümid edirəm ki, növbəti dəfə gələndə çox sevindirici işlər görəcəyik. Allah bu işlərdə iştirak edənlərə qüvvət versin. Birinci və İkinci Qarabağ müharibələrində öz torpaqları uğrunda həlak olanların qarşısında baş əyirəm".

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video