11 Oktyabr 2021 19:47
872
Mədəniyyət
A- A+

Reza Deqati: Qarabağ reallıqlarını sərgilərim vasitəsilə dünyaya çatdıracağam


Kurbövua, 11 oktyabr, AZƏRTAC

Fransada bu il ərzində 12 sərgim və konfransım gözlənilir. Artıq bu mənim 4-cü sərgimdir və hər sərgi çərçivəsində də konfrans olur. Konfranslarda olduğum müxtəlif ölkələr haqqında məlumat verirəm. Azərbaycan, xüsusilə də onun ayrılmaz hissəsi olan Qarabağla bağlı həqiqətləri çatdırmağa çalışıram. Bu məqsədlə müharibədən çəkdiyim fotoları nümayiş etdirirəm. Qarabağ məsələsini bütün dünya bilməlidir. Qarabağ həqiqətlərini hər kəsə tanıtmaq mənim vəzifəmdir.

Bu fikirləri Kurbövuada “Atmosfer Festivalı” çərçivəsində AZƏRTAC-a müsahibəsində məşhur fotoqraf-jurnalist Reza Deqati deyib.

“Qarabağla bağlı reallıqları belə sərgilər vasitəsilə dünyaya çatdıracağam. Beynəlxalq səviyyədə, eləcə də Fransanın bir neçə şəhərində təşkil edilmiş və planlaşdırılmış sərgi və konfranslarda Qarabağdan danışacaq, reallıqları təqdim edəcəyəm. Konfranslarda yüzlərlə insan iştirak edir. Onlar öz yaxınlarına, dostlarına eşitdiklərini danışanda bu geniş kommunikasiya olur və daha çox insanlar xəbər tutur. Düşünürəm ki, bu yolla insanlar Qarabağ məsələsini daha dərindən öyrənirlər”, - deyə R.Deqati söyləyib.

Fotoqraf vurğulayıb ki, Qarabağın şəhər və kəndlərində törədilən vandalizm aktlarını, yaşayış məntəqələrinin viranə qoyulduğunu göstərməyə başlayıb. O, Qarabağa həsr edilmiş böyük fotokitab, xüsusi sərgi və konfrans təşkil edəcəyini deyib. Qarabağ həqiqətlərini əks etdirən fotolarını, onlardan hazırladığı kitablarını dünyanın böyük şəhərlərində də sərgiləyəcəyini bildirib.

 

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video