Rafael Hüseynov Avropa Şurasını sağlam inkişaf yoluna çıxmaq üçün ikili standartlardan qurtulmağa çağırıb
Avropa Şurası Parlament Assambleyasının (AŞPA) yay sessiyası qurumun Büro və Daimi Komitəsinin fəaliyyəti ilə bağlı hesabatının dinlənilməsi və müzakirəsi ilə başlayıb.
AZƏRTAC xəbər verir ki, müzakirələrə qatılan Azərbaycan nümayəndə heyətinin üzvü Rafael Hüseynov Parlament Assambleyasının COVID-19 pandemiyanın yaratdığı çətinliklərə baxmayaraq, işini uğurla qurmağa müvəffəq olmasından danışıb.
Azərbaycanlı deputat AŞPA-nın fəaliyyətində, əslində, gələcəkdə postpandemiya dövründə də istifadə edilə biləcək təcrübələrin qazanıldığına diqqət yönəldərək deyib: “Son iki il bütün dünyanın həyatında olduğu kimi, Avropa Şurasının tarixində çətin sınaq dövrü kimi qalacaq. İndi növbəti inkişaf hesabatı ətrafında düşünərkən mütləq qeyd edilməlidir ki, Avropa Şurası bu imtahandan da uğurla çıxır. Qurum müvazinətini itirmədi, pandemiya dövrünün şərtlərinə tez uyğunlaşdı, hətta bu tarixi mərhələdə gələcəkdə öz işini daha səmərəli qurmaq üçün yeni təcrübələr əldə etdi”.
Bildirilib ki, mövzu sessiyalararası fəaliyyətə həsr edildiyi üçün bunu qeyd etmək vacibdir və iştirakçılar hər yeni sessiyada irəliləyişlərin şahidi olurlar. Gələcəkdə, postpandemiya dövründə müəyyən komitələrin sessiyalararası iclaslarını, xüsusən həssas məruzələrin müzakirələrinin aparıldığı, mühüm səsvermələrin baş tutduğu toplantıları hibrid formatda keçirmək məqsədəuyğun ola bilər. Pandemiyadan əvvəl kvorum olmadığından iclaslar təxirə salınıb. Ancaq indi gördüyümüz kimi, iclaslar virtual şəkildə də baş tuta bilər.
Deputat Rafael Hüseynov AŞPA-nın işində hələ də davam edən qüsurlardan da danışıb. Qeyd edib ki, inkişaf prosesinə nail olmaq üçün təkcə uğurlar deyil, uğursuz təcrübədən də dərs almaq lazımdır. Avropa Şurasının əsas hədəflərindən biri münsif olmaq, çıxarılan qərarların, yürüdülən fikirlərin ədalətliliyi və obyektivliyinə çalışmaq, daim balansın qorunmasına riayət etməkdir. Lakin təəssüf ki, heç də həmişə bu mühüm şərtlərə əməl edilmir və hər belə istisna həm narazılıqlar yaradır, həm də ayrı-ayrı adamların yetərincə ölçülüb-biçilməmiş davranışları, sözləri təşkilatın nüfuzuna xələl gətirir.
R.Hüseynov AŞPA-nın yaz sessiyasında minalanmış ərazilərin xəritələrinin Azərbaycana təqdim edilməsi üçün Ermənistana təsir göstərmək zərurəti ilə bağlı Avropa Şurasının, Nazirlər Komitəsinin onun sualına verilmiş qeyri-obyektiv cavabını səsləndirərək deyib: “Ötən sessiyanın əvvəlində ənənəvi olaraq Nazirlər Komitəsinin fəaliyyətdə olan sədrinə suallar verilirdi. Mən də sual verdim, ancaq aldığım qeyri-obyektiv cavab Avropa Şurasının yanaşma və ifadə tərzindən çox uzaq idi, təəccüb və heyrət doğurdu. Sanki cavab verən Nazirlər Komitəsinin sədri vəzifəsini daşıdığını da unutmuşdu və özünü qərəzli lobbiçi kimi aparırdı. Mən işğaldan azad olunmuş Azərbaycan ərazilərinin başdan-başa minalandığını, artıq 100-dən çox insanın minaya düşərək həlak olduğunu, Nazirlər Komitəsinin minalanmış ərazilərin xəritələrini təqdim etməsi üçün Ermənistana səlahiyyətləri çərçivəsində hansı təsir göstərə biləcəyini soruşmuşdum. Nazirlər Komitəsinin o vaxt fəaliyyətdə olan sədri isə sualı tamamilə bir kənara qoyaraq anlaşılmaz hikkə ilə Azərbaycanı ittiham etməyə başladı. Nəticə nə oldu? Üstündən bir ay keçməmiş həmin ərazilərdə azərbaycanlı jurnalistlər minaya düşdülər, ikisi həlak oldu, bir neçəsi yaralandı”.
Deputat Avropa Şurasının sağlam inkişafa nail olmasının yolunun yalnız daim ədalətli mövqe tutmaqdan keçdiyini söyləyib. “Belə yüksək kürsülərdən məsuliyyətsiz, haqsıza haqq qazandırmağa çalışan şübhəli və qərəzli bəyanatlar nəticə etibarilə hər dəfə yeni faciələrə yol açır. Ona görə hər sözündə və hərəkətində balansı qoruya bilmək, tərəzini əyməmək Avropa Şurasının gələcək inkişafına ən sağlam təməl ola bilər”, - deyə R.Hüseynov vurğulayıb.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Daxili işlər naziri Şamaxıda vətəndaş qəbulu keçirib
28 Mart
Fövqəladə Hallar Nazirliyi və “Azərbaycan Dəmir Yolları” QSC birgə təlim keçirib
28 Mart
Ukraynaya yardım mexanizmi müzakirə edilib - MƏLUMAT
28 Mart
Fevralda DSMF tərəfindən 26,6 minə yaxın vətəndaş müraciəti cavablandırılıb
28 Mart
“YAŞAT” Fondu tərəfindən dəstək tədbirləri davam edir
28 Mart
Bayram günlərində “Azərpoçt”un xidmətlərindən 400 mindən çox vətəndaş istifadə edib ...
28 Mart
D vitamini uşaqların sümük-əzələ sisteminin sağlamlığında mühüm rol oynayır
28 Mart
Rusiyada terror aktından zərərçəkənlərə dəstək məqsədilə Müslüm Maqomayevin mahnılarından ibarət alb...
28 Mart
Əhalinin tibbi xidmətlərə əlçatanlılığı ilə bağlı sorğunun nəticələri müzakirə olunub ...
28 Mart
Türkiyənin vitse-prezidenti: Daxili istehlakın ifrat artımı ölkənin iqtisadi inkişafına zərbə vurur ...
28 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!