18:11 27 Noyabr 2021
ONLINE XƏBƏR LENTİ
01:31 27.11.2021

Arzusu general olmaq idi


01:30 27.11.2021

Babək hünərli igid


01:30 27.11.2021

Dünyanın yeni problemi


Qusarın payız etüdləri FOTOLENT
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Qırğızıstan Prezidenti: Azərbaycan ilə Qırğızıstan arasında münasibətlər möhkəm dostluq və qardaşlıq tellərinə əsaslanır
 
ANA SƏHİFƏ / SİYASƏT
16:07 25.10.2021

 

Qırğız Respublikasının Prezidenti Sadır Japarov Azərbaycan Respublikasının Qırğızıstandakı səfiri Hidayət Orucovun diplomatik missiyasının başa çatması ilə əlaqədar onu qəbul edib.

AZƏRTAC xəbər verir ki, görüşdə ikitərəfli münasibətlərin aktual məsələləri müzakirə olunub.

Qırğız dövlətinin başçısı vurğulayıb ki, Azərbaycan Qırğızıstanın mühüm tərəfdaşıdır və iki ölkə arasında münasibətlər onların ortaq tarixindən, mədəniyyətindən, dilindən, müştərək mənəvi və dini dəyərlərindən irəli gələn möhkəm dostluq və qardaşlıq tellərinə əsaslanır.

Prezident Sadır Japarov Hidayət Orucova gələcək fəaliyyətində uğurlar və möhkəm cansağlığı arzulayıb, Azərbaycan Prezidenti İlham Əliyevə salamlarını çatdırmağı xahiş edib.

Hidayət Orucov dövlət başçısına təşəkkürünü bildirib və Azərbaycan Prezidenti İlham Əliyevin qardaş Qırğızıstan xalqına ən xoş arzularını çatdırıb.

Hidayət Orucov Qırğızıstan ilə Azərbaycan arasında əməkdaşlığın bundan sonra da dinamik inkişaf edəcəyinə, dərinləşəcəyinə və genişlənəcəyinə əmin olduğunu bildirib.

Qırğız Respublikasının Nazirlər Kabinetinin sədri Akılbek Japarov da azərbaycanlı diplomatı qəbul edib.

Nazirlər Kabinetinin sədri Qırğızıstan-Azərbaycan qarşılıqlı münasibətlərinin möhkəmlənməsinə səfirin verdiyi sanballı töhfəyə görə təşəkkür edib və ümidvar olduğunu bildirib ki, iki dövlət arasında əməkdaşlığın bütün sahələrində ənənəvi sıx dostluq münasibətləri davam edəcək.

Hidayət Orucov Akılbek Japarovu Nazirlər Kabineti sədri vəzifəsinə təyin olunması münasibətilə təbrik edib və bildirib ki, Qırğız Respublikası ilə Azərbaycan Respublikasını ortaq tarix, mədəniyyət, din və ənənələr birləşdirir.

Nazirlər Kabinetinin rəhbəri Hidayət Orucovun iki ölkə arasında dostcasına əməkdaşlığın inkişafına və dövlətlərarası münasibətlərin möhkəmlənməsinə verdiyi sanballı töhfəyə görə onu Qırğız Respublikası Nazirlər Kabinetinin fəxri fərmanı ilə təltif edib.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM