Qədim Şəkini həm də müasir şəhərə çevirək
Hər daşında, kərpicində özünəməxsus bir tarix yaşadan Şəki orta əsrlərdən üzü bəri Azərbaycanda inkişaf etmiş yüksək şəhərsalma mədəniyyətinin ən qiymətli incilərini özündə yadigar saxlayan bir şəhərdir. Şəkidəki memarlıq abidələri - məscidlər, minarələr, evlər, karvansaralar, qala divarları, yollar, körpülər özümüzdən daha çox turistlər üçün də maraqlıdır.
Rəhbərlik etdiyim "Yuxarıbaş" Dövlət Tarix-Memarlıq Qoruğu Şəki Cümə məscidindən başlamış 233 hektar ərazini əhatə edir. Biz Şəkinin qədim memarlıq abidələrini, adət-ənənələrini qorumaqla yanaşı, həm də onun müasir turist şəhəri kimi inkişaf etməsi üçün yollar arayıb-axtarırıq. Bu baxımdan qarşımızda bir çox görülməli işlər dayanıb.
Yaxşı olardı ki, şəhərimizin qədimliyini bildirmək üçün Cümə məscidinin yanında qala divarları və darvaza tikilsin, oraya qədim Şəkinin gerbi və qarşısında fırlanan banner qoyulsun. Bannerdə qoruq ərazisindəki qeydiyyatdan keçmiş tarix və mədəniyyət abidələrinin adları və şəkilləri əks olunsun.
Artıq müvafiq layihələr işlənilib, XVIII-XIX əsrlərdə dahi şəxsiyyətlərin Xan sarayı haqqında Azərbaycan və ingilis dillərində fikirlərini əks etdirən lövhələrin hazırlanması da nəzərdə tutulub. Ətrafda milli memarlıq ənənələrimizə uyğun təmir-bərpa işləri də labüddür.
Tarixən bizim dalan bazarlarımız olub, həmin bazarlarda yerli əsnafların (sənətkarların) əl işlərinin satışı təşkil edilib. Yaxşı olardı ki, Aşağı və Yuxarı karvansaraların birinci mərtəbələri sənətkarlara verilsin. Orada hər həftənin müəyyən günləri əl işləri qonaqlara və turistlərə təqdim olunsun.
Qala divarları içərisindəki xəstəxana binalarından biri başqa yerə köçürülüb, qalan ikisinin də köçürülməsi nəzərdə tutulub. Həmin binalarda müəyyən bərpa işlərindən sonra etnoqrafiya, arxeologiya və sənətkarlıq muzeylərinin yaradılması gözəl olardı.
Gələn il bənzərsiz memarlıq incisi olan Xan sarayının 250 yaşı tamam olur. Milli-mədəni irsimizə, tariximizə, həmçinin turizmin inkişafına dövlət səviyyəsində göstərilən diqqət və qayğı bizə ümid verir ki, həm qədim Şəkimizin əvvəlki şöhrətini qaytaraq, həm də onu tanınmış turizm şəhərlərindən birinə çevirək. Ölkə Prezidenti İlham Əliyevin "Şəki şəhərinin sosial-iqtisadi inkişafının sürətləndirilməsinə dair əlavə tədbirlər haqqında" 12 sentyabr 2011-ci il tarixli Sərəncamı doğma Şəkimizlə bağlı arzularımızın gerçəkləşəcəyinə inamımızı daha da artırır.
Təranə ABDULLAYEVA,
Şəki "Yuxarıbaş" Dövlət Tarix Memarlıq Qoruğunun direktoru
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
A.İ.İsmayılovun 3-cü dərəcəli "Vətənə xidmətə görə" ordeni ilə təltif edilməsi haqqında...
25 Aprel
Azərbaycan Respublikasının Mülki Prosessual Məcəlləsində dəyişiklik edilməsi haqqında
25 Aprel
"Təhsil haqqında" Azərbaycan Respublikasının Qanununda dəyişiklik edilməsi barədə" Azərbaycan Respub...
25 Aprel
"Azərbaycan Yerüstü Nəqliyyat Agentliyinin fəaliyyətinin təmin edilməsi və Azərbaycan Respublikası P...
25 Aprel
"RESPUBLİKA DİAQNOSTİKA MƏRKƏZİ" ASC-nin səhmdarlarının nəzərinə
25 Aprel
"Azərbaycan Xəzər Dəniz Gəmiçiliyi" QSC-nin tabeliyində olan struktur idarələrə tələb olunan tikinti...
25 Aprel
Husilər tərəfindən iki ticarət gəmisi və bir Amerika esminesi hücuma məruz qalıb
25 Aprel
Bakıda Rusiya Kinosu Günlərinin təntənəli açılış mərasimi olub
24 Aprel
Türkiyə XİN 1915-ci il hadisələri ilə bağlı bəyanat yayıb
24 Aprel
COP29 Sədrliyi ölkə pavilyonlarının təşkili üzrə müraciətlərin qəbuluna başlayıb ...
24 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!