08:53 21 Oktyabr 2021
ONLINE XƏBƏR LENTİ
01:59 21.10.2021

21 oktyabr


01:54 21.10.2021

BİLDİRİŞ


01:53 21.10.2021

BİLDİRİŞ


Tarix Muzeyi: Azərbaycanda neft sənayesi fotolarda
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Qədim rəqslərə yeni həyat verilir
ANA SƏHİFƏ / OXUCU MƏKTUBLARI
12:09 25.09.2016

 

Azsaylı xalqların özfəaliyyət kollektivlərinin ölkəmizdə keçirilən festivalları, baxış-müsabiqələri həmişə maraqla qarşılanır və təqdir olunur. Elə bunun nəticəsidir ki, Lerikin mədəniyyət işçiləri də xalq incəsənətinin öyrənilməsi məqsədilə axtarışlar aparır, unudulan mahnı və rəqslərə yeni nəfəs verirlər.

Monidigah kənd mədəniyyət evinin kollektivi vaxtilə kəndlərdə geniş yayılmış, lakin unudulmuş rəqsləri tanıtmaq məqsədilə “Lakto” (musiqi alətinin adıdır) qrupu yaradıb. Bu rəqs qrupu respublika tədbirlərində də uğurla çıxış edir. Qrup mükafatlar da qazanıb. Noda, Cəngəmiran, Vizəzəmin, Çayrud kəndlərindəki mədəniyyət evlərinin, klubların özfəaliyyət kollektivlərinin repertuarına talış mahnı və rəqsləri daxildir.

Rayon mədəniyyət mərkəzindəki “Rəfti” rəqs qrupunun isə artıq altı yaşı  tamam olub. Bu qrup talış rəqsi “Rəfti” əsasında yaradılıb. Qrupun 12 nəfər uzunömürlü üzvü var. Repertuardakı rəqslər yalnız kişilərə məxsusdur. Rəqs qrupu bir necə dəfə paytaxt tamaşaçıları qarşısında, dövlət tədbirlərində öz məharətini göstərib.

“Rəfti”nin yaradıcılarından biri, respublikanın əməkdar mədəniyyət işçisi, 80 yaşlı  Abidin Əliyev deyir ki, bu rəqslərin ən azı beş-altı əsrlik tarixi var. Rəqslər Novruz bayramlarında, toy şənliklərində ifa olunur. Rəqs qrupu üçün rəngli corabları, keçı qəzilindən sicimləri, cürcənəkləri ağbirçək nənələr toxuyublar. Çomaqlar, göndən hazırlanmış qırmaclar, qoyun dərisindən düzəldilmiş papaqlar isə ağsaqqalların əl işləridir.

Rəqs qrupunu bu günlər turizm istirahət mərkəzlərində, yaylaqlarda, çobanların yanında, dağ kəndlərində görmək olur. Onların çıxışları turistləri də razı salır, yerli camaatı da.

 

Həmzə VƏLİMƏMMƏDOV,

Lerik rayon sakini



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM