07 Yanvar 2012 12:01
606
Mədəniyyət
A- A+

Qəbələ aeroportu ərazisində qədim yaşayış yeri ilə bağlı tarixi abidə aşkarlanmışdır

 

Qəbələdə Beynəlxalq Hava Limanı tikilərkən aşkarlanan qədim yaşayış yeri ilə bağlı aparılmış ilkin arxeoloji qazıntıların nəticəsi açıqlanmışdır.

Azərbaycan Milli Elmlər Akademiyasının Arxeologiya və Etnoqrafiya İnstitutunun Şəki-Qax-Oğuz ekspedisiyasının rəisi Nəsib Muxtarov AzərTAc-a bildirmişdir ki, "Qalayeri-daş" adlanan həmin yaşayış yeri Azərbaycan-Koreya Mədəniyyət Mübadiləsi Assosiasiyası ilə birgə aparılan arxeoloji qazıntılar zamanı eneolitin son mərhələsinə aid olan Leylatəpə mədəniyyətinə aid edilmişdir.

Bu ərazi eramızdan əvvəl IV minilliyin I yarısının əvvəllərində Leylatəpə mədəniyyətinin daşıyıcıları tərəfindən salınmışdır. İnsanlar bu yaşayış yerində eramızın VIII əsrinə qədər yaşamışlar. Daha sonra bura ilk müsəlmanlar tərəfindən qəbiristanlığa çevrilmişdir.

N.Muxtarov demişdir ki, Leylatəpə mədəniyyətinə aid nümunələrə Ağdam, Qazax, Tovuz ərazilərində rast gəlinsə də, Azərbaycanın şimal-şərq və şimal-qərb ərazilərində yox idi. Bu baxımdan Qəbələdə aşkarlanmış yeni yaşayış yeri Azərbaycan tarixinin eneolit dövrünün öyrənilməsi üçün müstəsna əhəmiyyətə malikdir.

Arxeoloq hesab edir ki, bu abidənin tədqiqi tariximizin həmin dövrünün öyrənilməsi ilə bağlı yaranan bir çox problemləri həll edəcəkdir. İndiyədək hesab edilirdi ki, Leylatəpə mədəniyyəti Mesopotamiyadan şimala doğru yayılıb. Bu mədəniyyət Şimali Qafqaza da Qara dəniz ətrafı yollarla yayılmışdır. Amma bu abidənin aşkarlanması və tədqiqi göstərdi ki, Leylatəpə mədəniyyəti Şimali Qafqaza Qəbələ rayonunun dağ keçidləri vasitəsilə də yayıla bilər. O, bu il həmin ərazidə əsaslı arxeoloji qazıntı işlərinin aparılacağını bildirmişdir.

Azərbaycanda Leylatəpə mədəniyyətinin aşkar olunması ilk Tunc dövründə Kür-Araz mədəniyyətinin formalaşmasında Azərbaycanın iştirakını təkzib edən fikirləri alt-üst etmişdir.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video