14 Oktyabr 2011 06:10
359
Nazirlər Kabineti
A- A+

Qarşılıqlı səfərlər və aparılan danışıqlar Azərbaycan-Türkiyə əlaqələrinin daha yüksək səviyyəyə çatmasına təkan verir

 

Azərbaycanda səfərdə olan Türkiyə Respublikasının milli müdafiə naziri İsmet Yılmaz oktyabrın 13-də Baş nazir Artur Rasizadə ilə görüşmüşdür.

Baş nazir demişdir ki, Azərbaycan ilə Türkiyə arasında dostluq və qardaşlıq əlaqələri bütün sahələrdə, o cümlədən hərbi sahədə daim inkişaf edir. Türkiyə Azərbaycanda ordu quruculuğuna daim dəstək göstərmişdir. İnanırıq ki, sizin bu səfəriniz, aparılan danışıqlar və qəbul olunmuş qərarlar münasibətlərimizin daha yüksək səviyyəyə çatmasına təkan verəcəkdir.

Baş nazir demişdir ki, dünyada gedən proseslər bizim daha güclü olmağımızı tələb edir və biz buna nail olmalıyıq.

İsmet Yılmaz göstərilən qonaqpərvərliyə və xoş sözlərə görə Azərbaycan hökumətinin başçısına minnətdarlığını bildirmiş, Türkiyənin Baş nazirinin salamlarını Artur Rasizadəyə çatdırmışdır.

Azərbaycana əvvəlki səfərlərini xatırladan qonaq Bakıda müşahidə etdiyi inkişafı yüksək qiymətləndirmişdir.

Türkiyənin milli müdafiə naziri Azərbaycanın dövlət müstəqilliyinin 20-ci ildönümü münasibətilə Baş naziri və xalqımızı təbrik etmişdir. Görüşdə Azərbaycan ilə Türkiyə arasında əlaqələrin bütün sahələrdə inkişaf perspektivləri ətrafında fikir mübadiləsi aparılmışdır.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video