05 May 2021 14:25
887
Elm və texnika
A- A+

Qarabağın biomüxtəlifliyinə və su ehtiyatlarına həsr olunan elmi konfransa tezislərin qəbulu yekunlaşır  

 Mayın 20-21-də AMEA-nın Biologiya və Tibb Elmləri Bölməsinin təşkilatçılığı ilə “Qarabağın biomüxtəlifliyi, torpaq və su ehtiyatları: keçmişi, bu günü və gələcəyi” mövzusunda keçiriləcək onlayn konfransa tezislərin qəbulu bu gün başa çatır.

Bu barədə AZƏRTAC-a Molekulyar Biologiya və Biotexnologiyalar İnstitutundan məlumat verilib. Bildirilib ki, konfrans Qarabağın flora və faunasının işğaldan əvvəlki və mövcud vəziyyəti, dərman bitkiləri, mikrobioloji müxtəlifliyi, biotəhlükəsizlik məsələləri, bu bölgənin su ehtiyatları, tədqiqi, bərpası və səmərəli istifadəsi, işğaldan azad edilmiş ərazilərin meşə, otlaq ekosistemləri, Qarabağ zonasının genetik ehtiyatları və ərzaq təhlükəsizliyi, həmçinin yaşıl iqtisadiyyat və digər istiqamətləri əhatə edəcək.

Konfransda çıxış etmək istəyənlər tezislərini may ayının 5-nə kimi [email protected] ünvanına göndərməlidirlər.

Məktubun mövzu yerində “QARABAĞ – konfrans” sözlərinin yazılması tələb olunur. Tezislər Word A4 formatında, Arial 12 pt şrifti ilə (sahələr: hər tərəfdən 2 sm qoymaqla), sətirlərarası 1 qoymaqla, 1 səhifə həcmində olmalıdır.

Konfrans materialları elektron formada nəşr ediləcək.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video